طريقة بطاطا حرة لبنانية بالفرن سهله ولذيذه

طريقة عمل بطاطا حرة لبنانية بالفرن سهله ولذيذه من اكلات مطبخ الشيف عبير العميرة

وصفه عمل بطاطا حرة في الفرن بطريقتي 😍😋👌🏻

أحب أصلحها بهالطريقه لأن تجمع بين الودجز والبطاطا الحرّه لذيذه جربوها وسهله مره 😍👍🏻 .

مكونات وطريقة اعداد وتحضير وعمل البطاطا الحرة اللبنانية بالفرن :

١- أول شي قطعت البطاطس مكعبات وسط وحطيتها بصينيه حوافها قصيره وفرشت تحتها ورق زبده وخليتها بالفرن بالرف الوسط على درجة حراره ٣٥٠ .
ممكن تحطونه بقلاية فليبس اللي يحب .

٢- اذا استوى البطاطس نحمّره بشكل خفيف من فوق اهم شي لا ينشف بزياده .

٣- نجيب تاوه وسيعه ع النار ونحط فيها ثوم مهروس مع زيت زيتون ونضيف ( بهارات ايطاليه + شوي نعناع مجفف + بابريكا + فلفل احمر مطحون حار + فلفل اسود ) ونخلطهم مع بعض دقيقتين الى ثلاث .

٤- ثمن نضيف البطاطس ونقلّب لين يمسك بالمكونات ثمن نضيف عليه شوي عصير ليمون + قشر ليمون مخلل اقطعه مكعبات صغيره احب نكهته لا تكثرون مره واللي مايحب يحذفه عادي اختياري .

٥- اخر شي نضيف كزبره مفرومه وبقدونس مفروم .

وبس تقدّم البطاطي الحره كطبق جانبي وبالعافيه عليكم 😍♥️

عن نفسي اعتبره وجبه وأحب آكله بالشوكه مع شطه وأحياناً أخلط كاتشاب وشطه مع بعض 😋👌🏻😍

يلا اللي محتاره وش تتعشى تصلحه ماياخذ وقت وان شاء الله يعجبكم