طبخ كشري عراقي بالبرغل
طريقة عمل وطبخ كشري عراقي بالبرغل بالصور من وصفات مطبخ مريم ريحانة بغداد
وصفة الكشري بالبرغل لذيذ وسهل وسريع من المطبخ العراقي
how to make iraqi koshari recipe homemade
مكونات ومقادير وطريقة اعداد وتحضير وعمل الكشري العراقي بالبرغل :
حنحضر الصلصة ونخليها على جنب
نحمس لحم وبصل مقطع عالنار
مع ملح وفلفل اسود وشوية قرفة وشوية زنجبيل واي بهارات تحبون
ونضيف عليهم ثلاث ملاعق كبيرة معجون الطماطم
ونحمسه وياهم لدقيقتين
وبعدها نضيف ماء تقريبا كاسين
ونحرك ونتركه يتهدر على نار واطية لمدة 5 دقائق تقريبا
وبعدها نطفي عليه
ونتركه على جنب
نجي للبرغل
تقريبا 3 كاسات برغل خشن كمية تكفي 10 اشخاص
ننقع البرغل بالماء كمية تغطيه قبل مانطبخه
والسبب هو حتسرع عملية نضجه اثناء الطهو فهالفقرة حلوة لاتتجاهلوها
وبعدها نحط قدر ماء عالنار وملح حسب الرغبة
ولما يغلي نحط البرعل فيه
ونتركه يغلي حتى تنضج حبات البرغل
ونكون حامسين شوية شعيرية على جنب
نضيف الشعيرية وكوب عدس الى البرغل قبل مانصفيه بدقيقتين
ونتركهم يغلون وياه
وبعدين نصفي
نصفي البرغل والشعيرية والعدس
ونرجع نحط قدر عالنار وملعقتين زيت
ونحط البرغل والعدس عليه
ونتركه يتهدر على نار نخفضة حتى ينضج
هنا صفيت البرغل
وسلقت معكرونة مع مكعب ماجي
بهالاثناء نشوح بصل شرائح للتزيين
شكل البرغل والعدس بعد النضج
ونقدم الكشري مع الصلصة والمعكرونة
يميممممممم رائع فعلا ومغذي جدا
جربو الكشري بالبرغل حتحبوه
دمتم بحفظ الله
اختكم مرايم
صحة وعافية❤️♥️
