سمن اهل الشمال

طريقة عمل سمن اهل الشمال بالصور من مطبخ حبيبة عمها

وصفة سمن الغنم الأصلي بطريقة اهل الشمال

امي سوت سمن غنم اصلي بطريقتها القديمة وحيت افيدكم

how to make sheep ghee

مكونات و طريقة عمل وصنع السمن البلدي الشمالي :

بالبدايه نحمس الحلبه

امي زادت الحمسه شوي

ولازم تكون اخف شوي

وهذي الصوره

وبعدين نطحن الحلبه زين

وبعدين نحظر لوازم ومكونات السمن وهي

حلبه محموسه ومطحونه ناعمه

وكركم

وملح

وهيل مطحون

وبعدين على النار

نذوب الزبده

وطبعا الزبده امي مسويتها زبدة غنم اصلي يعني شغل بيت 100 بالميه

وبعدين جريشه صحنين ونص مثل هالصحن

ونغسله زين بالمويه الفاتره

ونزيل الشوائب الي بالزبده

وهي رغوة الحليب

طبعا الحين ذائبه الزبده

وهذي الي طلعناه من الزبده

الحين نحط الجريشه المغسوله على الزبده

والحين نحط البهارات الي هي

كركم وملح وهيل مطحون وحلبه مطحونه ناعمه ومحموسه

ومع الوقت اثناء الطبخ

طبعا بدا يبان السمن

وااااااااااو يجنن والريحه مايختلف عليها اثنين

طبعا نتاكد ان الجريشه استوت وصارت ميه بالميه

وهذا السمن مافي احلى من كذا

ونحطه بالعلبه بس نشخله

وهنا القشده واحلى قشده

اااااااه عالطعم عذاب

وهذي صوره للقشده عن قريب

وهنا بنفس اليوم جونا خوالي

وامي حطت لهم سمن وقشده

وهذا السمن بالعلب

واذا برد وتجمد يتحول لونه الى الاصفر

وخلصنا من عمل وصنع السمن

وتم بحمد الله

وبالعافية