حليم اكله هنديه بالجريش
طريقة عمل حليم اكله هنديه بالجريش بالصور من مطبخ الشيف أم روز
وصفة حليم هندي حيدر ابادي 🇮🇳 🥩 من المطبخ الهندي
يشبه الجريش اوالهريس العربي وتعتبر من الوصفات المشهوره في الهند لـ رمضان والمناسبات عندهم
تخيلوا معاي بسس المكس😭🔥 اللي فيه خطير سبايسي وجريش ونعناع وليمون و كيف مع البصل المحمر 🥺😫👌🏻
كل المكونات اللذيذه موجوده فيه🔥🤤
مالكم بالوصف الطويل لان مهما اوصف الطعم بيكون بعد ماتذوقونه انتوا✨
الطريقه كانت بإشراف امي الله يسعدها 😍♥️
هالوصفة استخدمت قدر الضغط الكهربائي👌🏻 بـ اقل واسرع وقت صار معنا اسرع حليم هندي ذايب ذوبان😋
how to make beef haleem recipe
مكونات و مقادير وطريقة عمل اكله حليم الهنديه بالجريش :
اضفت في القدر الكهربائي
لحم نصف كيلو هبر ( ممكن صدور دجاج كبديل )
وملعقه وسط ثوم و زنجبيل 🧄
وملعقه صغيره مليانه بهارات الكاري
وملعقه صغيره فلفل اسود و ملح 🧂
وملعقه صغيره كركم
وفلفل اخضر حار ١٠ حبات 🌶
وكزبره،نعناع ☘️🍃
ونصف كوب زيت زيتون 🥃
وقلبت المكونات مع بعض
ثم اضفت عليهم نصف كوب ماء 💧
ونحركه تمام
ونقفل قدر الضغط
ونختار خيار اللحم
ونزيد الوقت الى ٣٠ دقيقه عشان ينهرس اكثر
وبعد ما ينتهي
نفتح القدر
ونهرس اللحم تمام
واذا كان فيه مويه نحركه لين يبدا يخف
ويصير قوام اللحم نفس ما تشوفون
وبعدها نزلته وطلعته
ثم اضفت في قدر الضغط
كوب جريش منقوع قبل بيوم
ممكن تستخدمون عدس او هريس بدلا من الجريش اذا تحبون تنوعون
واضفت عليه كوبين ونص ماء
وقفلت القدر الكهربائي
واخترت زر البقوليات
ولما انتهى
هرسته تمام
ورجعت اللحم عليه
وهرست هرست لين اتجانسوا سوا
وفي مقلاة على النار
اضفت زيت تقريباً ١٠ ملاعق
و بصل شرائح 🧅
وحمرته
ثم اضفت عليه ثوم ملعقه وسط
وحمسته
ثم اضفت عليه علبه ونص زبادي
وحركته تمام
واضفته على الجريش واللحم
وحركته لمدة دقيقه يتجاسوا سوا
طبعا القدر في وضع التسخين
وقدمت اكلة الحليم بالجريش
وزينته ببصل محمر ونعناع 🍃وليمون 🍋 وكاجو محمر
وبالعافيه على الذ الذ حليييم راح تذوقونه 😭😭
صحة وعافية♥️
