بطاطس مشوية بالفرن مع الحمص

طريقة عمل بطاطس مشوية بالفرن مع الحمص من اكلات مطبخ الشيف عبير العميرة

وصفه عمل بطاطس بالفرن مع الحمّص 😍🍟😋 …

بطآطس مشوي وأضفت معه حمص لذيذ بقوه

أنا من عشآق البطاطس بالفرن لمن أجوع ماأفكر إلا فيه 😋👌🏻😍

مكونات وطريقة اعداد وتحضير وعمل البطاطس المشوية بالفرن :

١- ننظف ٤-٥ حبات بطاطس ونغسله مضبوط مع قشرته والبطاطسه تكون (وسط) وبعدين نقطع البطاطس مربعات كبيره .

٢- نجيب زبديه ونحط فيها البهارات التاليه /

ملح ، فلفل أسود مطحون ، بهارات ايطاليه ، باربيكيا ، فلفل أحمر حار مطحون ومجروش 🙊 ،كزبره ناشفه مطحونه ناعم ، اوريغانو ، بودرة ثوم ، بودرة بصل ، شوي برش ليمون ، ملعقتين إلى ثلاث كبآر حمص سواء كان جاهز أو أنتم مصلحينه وبكتب لكم طريقتي تحت

٣- نخلطها مع بعض بملعقه بعدين نحط قطع البطاطس ونقلبها مضبوط ونصب عليها زيت زيتون يغطّي كل القطع ونقلبها .

٤- الأفضل تخلونها بالثلاجه قبل الفرن كل ماطولت المده كل ما تشرّب البطاطس الخلطه وطلع أطعم 😋👍 . .

٥- نجيب صينيه حافتها قصيره ونحط قطع الودجز فيها بشكل عشوائي ثمن نرش على الوجه مره ثانيه زيت زيتون .

٦- ندخلها الفرن من تحت على درجة حراره ٣٥٠ فهرنهايت ، تاخذ نص ساعه تقريبا ًبعدين نحمرها من فوق اذا لاحظتي انها تحتآج تحمير .

٧- عند التقديم الافضل تقدّم ساخنه 😋😍👍

وقدّمو معها الصوص اللي تحبون 😘

غالباً أحط كاتشاب يفضلونه الصغآر وهالمرّه جربت أخلط شوي مايونيز مع شطه وفلفل احمر مطحون وشوي حمص أو بدون حمص على رآحتكم ☺️ .