المحموص القطيفي بالدجاج
طريقة عمل المحموص القطيفي بالدجاج بالصور من مطبخ الشيف السعودي حسن الفوير
وصفة محموص قطيفي بالدجاج لذيذ و سهل
المحموص طبق تراثي قديم واكلة شعبية من المطبخ السعودي القطيفي الشعبي أصله من تاروت ثم امتد إلى جميع مناطق القطيف وضواحيها والبحرين
فيه ناس تسوي المحموص بالدجاج وناس باللحم وناس بالربيان
البعض يضيف شوية توابل والبعض بكتفي بالبصل والملح
مين مشتهي ياكل محموص ومين متحمس يسوي المحموص يتفضل معنا
افضل نوع بصل حق المحموص البصل الهندي بعدين المصري
mahmousse rice and onion recipe in arabic
مكونات ومقادير المحموص القطيفي بالدجاج :
٢٠حبة بصل هندي أحمر كبار
كأسين أرز تاج الهند مغسول ومنقوع ١٠د
دجاجة
بهارات صحيحة
بهارات مطحونة اختيارية
طريقة عمل المحموص القطيفي بالدجاج :
في البداية
نطفت الدجاجة ونزعت عنها الجلد
بعدين سلقتها
واضفت معها البهارات الصحيحة
واشيل الزفر
واضيف الملح
وبعد السلق
طلعت الدجاج على جنب وصفيت الماي
وفي قدر ثاني
نقطع البصل شرائح او صغار
ونضيف الزيت ونخليه يسخن
ونضيف البصل المقطع
نحمس البصل ع نار متوسطة
ومن يبدأ يتغير لونه نخليه ع نار هادئة
ونجلس نحمسه في عدة مراحل
لين يأخد لون البني الغامق
ملاحظة مهمه
البصل ماينحمس ع نار عالية ابدا لأن بكذا البصل يفقد طعمه الأساسي وراح يصير مر
لازم البصل يوصل لدرجة التحميص المطلوبة وكذا يطلع طعم المحموص
وبعد مانوصل لدرجة الحميس المطلوبه ويغمق لونه
نضيف كأس ماء كبير حق يسحب لون البصل
ثم نضيف الدجاج
ونضيف البهارات
استخدمت
ليمون اسود , بهار دجاج , فلفل اسود وأحمر , زنجبيل , فلفل دراز
ونحمسهم شوي
ثم نغطي القدر ونسكر عليه ٥دقائق يتسبك
وبعدها نحط الأرز
ونقلبه مع بعض
ثم نضيف ماء سلق الدجاج
بس يغطي سطح الأرز بقليل
وفي البداية نخليه على نار عالية
ومن ينزل مستوى الماء و تبان حبات الرز
نوطي النار ونخليه ع نار أقل من متوسطة ١٥ د
وبعدها يصبح المحموص القطيفي جاهز
ويقدم المحموص القطيفي بالدجاج بالعافية
صحة وعافية♥️
