القرقوش السوداني بالخميرة الفورية
طريقة عمل القرقوش السوداني بالخميرة الفورية بالصور من مطبخ الشيف السودانية سمسماية
وصفة القرقوش بالخميرة الفورية في البيت من المطبخ السوداني
لعمل القرقوش بالخميرة الفورية و كيف يصنع؟! الطريقة بالخطوات
مكونات ومقادير عمل عجينة القرقوش السوداني :
5 كوب دقيق
نصف كوب سكر
ثلث كوب زيت
2 م ك لبن بدرة
1 م ك خميرة
1 م ك كاستر
نصف م ص ملح
ا بيضة
كوب ونصف ماء دافئ
الطريقة لعمل وتحضير القرقوش السوداني :
توضع جميع المقادير الجافة في وعاء
وتخلط
يمزج البيض والزيت جيدا
ثم يضاف الي الدقيق
ويعجن حتى نحصل علي عجينة مثل فتات الخبز
يضاف الماء وتعجن جيدا
ويستمر في العجن لمدة 10-15 دقيقة
حتي تصبح العجينة متماسكة وناعمة
تترك لتتخمر وتتضاعف لمدة ساعة تقريبا
وتقسم حسب حجم القوالب
وتترك مرة اخري لمدة نصف ساعة
تخبز في فرن متوسط الحرارة حتى تصبح ذهبية
تترك لتبرد
ثم تقطع شرائح
وترص علي الجهة الاخري
وتخبز حتى يحمر الجوانب
ويصبح القرقوش جاهز للتقديم
سؤال وجواب
الدقيق بالكوب المعياري ولا بالكوب العادي والعجينه بتفرديها وتلفيها ولا بتنزليها علي طول في الصينيه والبيضه كبيره ولا صغيره
القياس بالكوب المعياري والملاعق المعيارية والبيضة متوسطة
لما العجينة تتضاعفت نزلتها علي سطح مستوي بدون ما اعجنها وقسمتها بالسكين حسب حجم القوالب
ما عندي هذا القالب
لو عندك قالب الكيك الممفتوح من النص زي حلة الكيك ممكن تعملي فيهو ولو ما عندنا نشوف البديل والقالب دا بيديك نفس السكل بس علي اسطواني
او في الينبة المدورة العادية بتاعة الكيك بس لما تقطعيه قطعيه مثل الكيك مثلثات بس خليها رفيعة
انا جربت قبل كده اعمل المعجنات بقوالب الكيك وما ضبطت معاي نضجت من فوق ومن تحت لقيتها معجنه الكيك ممكن يتحمل اي صينيه لان عجينة الكيك سائله اما المعجنات فقط في صواني الفرن او الصواني المخصصه للمعجنات
القرقوش ما زي الفطائر لانو الفطائر حشوتها بتخلي العجينة لينة شوية رغم اني مرة عملتها قوالب الكب كيك وكانت تمام بس عجينة القرقوش لما تخمر بتبقي خفيفة
عملت القرقرش وطلع رهيب بس في ريحة الزفاره بتاعت البيض
غريبة يظهر ريحة زفارة؟ لانو ابيض ما كتير .. كدي خليهو يبرد ويجف اكيد الريحة ح تروح او احتمال ختيتي في بالك البيض ح تطلع معهو ريحة وممكن المره الجاية تعملي معاه فانيليا
عايزة اعرف الدقيق 5 كوب يساوى كيلو اما اقل و معيار الكوب
استخدم الكوب المعياري (250) مل لذلك والـ(5) اكواب اقل من الكيلو وتقريبا يساوي فنجان شاي اللبن وبيكون مليان وممسوح
بالنسبة لعجنة القرقوش دى تنفع اعمل بيها القرقوش ذى الاصابع ولا لا ممكن اعملها على شكل صوابع لانو اولادى بحبو على شكل اصابع
طبعا ينفع تعمليها اصابع
انا جربت الوصفه دي بس الخميرة الفوريه مانفخت العجين الحل شنو؟
اكيد بيكون من طريقة التخمير يعني السائل كان حار فقتل الخميرة أو الخميرة ذاتها ما كانت كويسة ياريت تجربي الخميرة اولا لازم تتضاعف عشان تتأكدي من جودتها
صحة وعافية❤️♥️
