الرز القبولي العماني هند الفوزان

طريقة عمل الرز القبولي العماني هند الفوزان بالصور

وصفة الرز القبولي العماني باللحم بقدر الضغط لذيذ وسهل وسريع

الرز او العيش القبولي العماني من اشهر الاكلات العمانية الشعبية في سلطنة عمان الشقيقة 🇴🇲

how to make omani kabuli rice recipe in arabic

مكونات و مقادير وطريقة الرز القبولي العماني باللحم :

في قدر الضغط ..

نضع زيت وبصلتين كبار مقطعة جوانح

ونحمسها لما تتشقر

ثم نضيف عليها:

بهارات صحيحة : ورق غار، قرفة، هيل، مسمار، نجمة اليانسون، فلفل أسود.

ونحمسهم سوا

ثم نضيف عليهم

قطع لحم بالعظم

ونقلبهم لما يتحمرون.

ونبهرهم بـ:

كمون، كزبرة، فلفل أسود، بهار مشكل.

ونقلبهم

ونضيف الفلفل الأخضر

ونغمرهم بموية حارة

ونقفل قدر الضغط ونضغطهم ٢٠-٣٠ دقيقة.

(او بحسب حجم قطع اللحم وعددها ونوعها)

ثم نفتح القدر ونملح اللحم والمرق

ونتركه دقايق ياخذ النكهة.

ثم نطلع اللحم ونرفعه في صينية الفرن

وندهنه بزبدة بس✨

وندخله يتحمر دقايق.

ونجهز الكشنة او الحمسه فوق وجه الرز

وهي عبارة عن:

اجنحة بصل نحمرها في شوي زيت مع حبات حمص وفلفل حار وزبيب -استغنيت عنه

ونبهرها بـ: كمون، ملح، فلفل أسود.

الان نضيف الرز المغسول والمنقوع على مرق اللحم في قدر الضغط

ونوازن الموية ونرفع النار بدون ما نقفل الغطاء

واول ما يرتفع الرز ويقل منسوب الماء

نرجع فوقه الكشنه و اللحم

ونغطي على الرز ونكتمه ونتركه حوالي ٢٠ دقيقة على نار هادية

وممكن اقل أو أكثر، بحسب مقداركم.

ثم يقدم العيش القبولي العماني

نغرف الرز ونوزع فوقه الحشو واللحم

ويقدم مع شرايح ليمون وكزبرة او اللي تحبون.

صحة وهنا🤍

صحة وعافية ♥️