اكلات نفاس جنوبيه

طريقة عمل اكلات نفاس جنوبيه بالصور من مطبخ AREAM2008

وصفات اكلات جنوبيه سعودية للمرأة النفاس بعد الولادة

مأكولات أهل الجنوب وقت النفاس وهي أكلات شعبيه مناسبه ومهمه ومفيده وسهله تناسب للنفاس وتنفع عشاء وغداء وفطور

لذا حبيت اعرض عليكم بعض أكلاتنا الشعبية اللي أسويها بطريقتنا للنفاس وأيضا نسويها في فصل الشتاء لأنها تدفي ولذيذه بعد

أتمنى تعجبكم وصفاتنا واعذرونا على القصور وترى مو كل أكلاتنا الجنوبية ذي بس تقريبا هذه اللي نسويها دايم .

foods to eat after birth

نبتدي مع العريكة الجنوبية

المقادير لعمل العريكة :

2كاس من الدقيق المخلوط

رشة ملح

ماء بمقدار كاس ونصف الكاس او حسب نوعية الطحين اللي بتستخدمينه

الطريقه لعمل العريكة :

ناخذ الدقيق ونصب عليه الماء بالتدريج

ونعجن حتى نحصل على عجينه رخوه

اثقل من عجينة اللقيمات بشوي

ونحطه في صينيه تيفال

ونغطيها بغطاء ونحطها على البوتجاز من فوق

على نار هادئه

او في الفرن لمدة 20 دقيق

تستوي العجينه دون ما تتحمر

ثم نقلبها ونخليها على الوجه الثاني 5 دقايق

ونطفي النار

ناخذها بسرعه ونحطها في كيس نايلون حق اللحم

ونلفه بمنشفه عشان حرارته

ونبدأ نعركها ونعجنها

في البدايه بالنشابه نضربها ضرب خفيف

وبعدين بمساعدة المنشفه

نعجنها زين حتى تصير كتله وحده.

وننقلها على صحن التقديم

ونحاول بالملعقه نرتب اطرافها

ونعمل فيها حفره

ونحط فيها السمن والعسل

وتمتعي بالطعم المميز للعريكة

===

العصيدة الجنوبية

هذه الاكله من الاكلات المحببه خاصه لكبار السن ونسويها بعد في عزايمنا

اذا كنت طابخه الذبيحه بالبيت اسويها واسقيها بمرق اللحم تطلع لذيذه

وبعد نقدمها للمرأة النفاس تقويها وتشد عظمها وتشبعها

والعصيدة لها طرق كثيره لكن تقريبا هذه هي المشهوره بالجنوب

مقادير العصيده سويت مقدار بسيط عشان تعرفون مقاديره لاني اسويها بالنظر .

مقادير العصيدة :

3كاس ماء مغلي

2ونص كاس دقيق مخلوط

رشة ملح

طريقة العصيدة :

نحتاج الى المسواط او ملعقه خشب كبيره وقاسيه

ونجهزها جنبنا ونجهز الدقيق .

نحط الماء في قدر

ونخليه يغلي

ثم بسرعه نحط الدقيق على الماء

بسرعه نشيل القدر من على النار

ونبدأ نحرك الدقيق ونعصده بقوه عشان ما يتكتل علينا

(هالخطوه تشابه عجينة الشو او بلح الشام )

ونقلبه الى ان يختفي الدقيق تماما .

ثم نرجعه على النار وتكون خفيفه

ونحط عليه نص كاس ماء مغلي

ونخليه على النار مع التقليب الخفيف

لكن ما نحاول نفرق العصيد حتى ما تصبح لينه مره

ونتركها الى ان تشرب كل المويه تماما

ثم نعيد نعصدها بعيد عن النار

ثم نعيدها على النار

ونعيد نفس الخطوات السابقه اربع مرات او خمس

حتى نتأكد من استواء العصيده

وبعدين نخليه ربع ساعه على نار هادئه مع تغطيتها

ملاحظه :

يدلك على استوائها احتراق القدر

( مو احتراق مره لكن يتحمر قعر القدر )

ونسميه شياط

(وهو يعطيها نكهه حلوه ومحببه )..

وبعد كذا تقلب في صحن عند التقديم

ونعمل حفره في الوسط

او نحط صحن غويط

ونصب فيه المرق واللحم

او السمن والعسل ..

===

المرقوق القصيمي بطريقة جنوبية

المقادير مع الطريقه لعمل المرقوق :

اولا ناخذ حبة بصل مقطعه

ونحمسها مع شوي زيت

ونقلبه لين يتحمر

ثم نحط ملعقة معجون طماطم ونحركه

ثم نحط حبة طماطم متوسطه وتكون حمراء ناضجه

وما نكثر الطماطم عشان ما يسبب حموضه في المرقوق

ونضيف اللحم والبهارات

( فلفل اسود ,كمون . بهار مشكل . عود قرفه . ليمون اسود للي يحبه )

ماجي وملح

ونتركه يتسبك

ونحط بعده الماء المغلي

ونخليه لين يستوي اللحم نص استواء

اما عجينة المرقوق

نعجن العجينة قبل نبدأ بعمل المرقوق

وتكون نمكوناتها ومقاديرها تقريبا

3كوب دقيق

وكاس ونصف او حسب الحاجه ماء دافئ

( انا استخدم دقيق بر مع دقيق ابيض بنسبة 2 الى 1 ويكون مملح من عند المطحنه ودقيق المرقوق لازم يكون ناعم عشان ما يتقطع في الفرد لكن الخبز والعصيد ما يكون ناعم مره )

تعجن وتترك لمدة نص ساعه ثم تكور ..

ونقوم بتقطيع الخضار اللي متوفره عندك والافضل

( كوسا , جزر , قرع ,فاصوليا , فلفل رومي )

ونخليها على جنب