طريقة تحضير الكوارع بالحمص

طريقة تحضير الكوارع بالحمص

وصفة طريقة تحضير الكوارع بالحمص سهله ولذيذه بالصور trotters recipe من وصفات وعمل مطبخ خلود ادريس

وصفه متينه 😂 معظمنا بيحبها الكوارع بالحمص 😍 وعلي طريقتي 🤗

مكونات ومقادير عمل الكوارع بالحمص :

٢ كوب حمص مغسول ومنقوع ومسلوق

_ كوارع

_ ٢ بصله متوسطه مقطعه جوليان

_ ثوم مفروم

_ طماطم مبشورة

_ ملعقه صالصه

_ نص ملعقه كبيرة هريسه تونسي

_ ٣ حبه فلفل اخضر رومي

_ شوية من الكزبرة الخضراء

_ ملح

_ فلفل أسود

_ رشه حبهان مطحون

_ ملعقه كبيرة كركم

_ كزبرة

_ رشه سكر

طريقة اعداد وتحضير وعمل الكوارع بالحمص :

(بسم لله) اول حاجه هنضف الكوارع كويس جدا اسكراب ملح وليمون ونشيل اي زوائد نغسلها كويس جدا

وفي مياه مغليه هنعصر ليمونه ونحط الكوارع تاخد غلوة كويسة وبعدين نصفيها ونرمي المياه دي ونغسلها تاني كويس بماء ساخن ونسبها علي جنب

وفي حله عادية او ضغط هنضيف شوية زيت مع ذبدة بلدي حسب الرغبه

هنشوح البصل وبعدين نضيف الثوم نشوحهم مع بعض

وبعدين هنضيف الكوارع ونحط التوابل الكركم والفلفل الأسود والكزبرة والحبهان المطحون وشوية من الكزبرة الخضراء و نشوحهم شوية مع بعض

وبعدين نضيف الطماطم المبشورة مع ملعقه صالصه ونص ملعقه هريسه ونقلبهم شوية

وبعدين نضيف المياه السخنه اول ما تغلي كويس نهدي النار عليها علشان تستوي برحتها ونشيك عليها لو احتاجت مياه تاني

ولما توصل لسواه المطلوب هنضيف الحمص المسلوق مع الفلفل الأخضر المقطع نصفين

ياخدو غلوة اخيرة مع بعض وتكون جاهزة بألف هنا واحلي

وصفة الكوارع بالحمص بالصور trotter recipe
وصحتين وألف عافية😋

وصفات أكلات شعبية

وصفات أكلات شعبية

وصفات الأكلات الشعبية القديمة والتراثية والتقليدية من المطبخ الخليجي والعربي حسب موروث المطبخ الشعبي لكل دولة ومنطقة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

ArabicEnglishFrenchGermanIndonesianItalianPersianPortugueseRussianSpanishTurkishUrdu