طريقة الحسو بالبيض

طريقة الحسو بالبيض

طريقة عمل الحسو بالبيض للنفاس بالصور من مطبخ الكويتية بدور مدونة My Kitchen

وصفة الحسو بالبيض من المطبخ الكويتي من أكلات النفاس

هالحسو طعمه حلو وقريب للعصيده او الحلوى….تقدرون تحطون زبده بدال الزيت زيتون بس احنا بالبيت نحبه بطعم زيت الزيتون… اضافه الفلفل الاسود والبهارات الثانيه حسب الرغبه واذا تبونه من غير بيض الغو الخطوة الاخيره وهم تقدرون تتحكمون بدرجه الحلاوه على كيفكم…

مكونات و مقادير الحسو بالبيض :

– قفشه كبيره او قفشه ونص مسحوق الحسو
–قفشتين كبار متروسين على شكل جبل طحين ويفضل طحين اسمر
– تقريبا قفشتين الى ثلاثه زيت زيتون
-فلفل اسود بودر وزنجبيل بودر نص قفشه صغيره من النوعين واذا الحسو مو مخلوط معاه رشاد هم ضيفوه
-قفشه سكر كبيره واذا تحبونها حاليه زيدو كميه الشكر
-نص كوب ماي او ثلاث ارباع
-بيضه كبيره او 2 صغار

طريقة عمل وتحضير الحسو بالبيض :

نحمس الطحين على النار لين تطلع ريحته

ونضيف عليه زيت الزيتون ونخلطه مرتين

نضيف الحسو والفلفل

ونحركهم شوي

نذوب السكر بالماي

ونضيفهم فوقه ونحركهم لين يثقل الخليط

حسب الرغبه.. زيدو وقللو الماي بكيفكم

وهني خلص الحسو

وتقدرون تاكلونه جذي ساده مع اضافه المكسرات المجروشه على الويه مثل الجوز والبيذان

وصفة الحسو بالبيض من المطبخ الكويتي من أكلات النفاس

او نعمل فوقه بيض

نضرب البيضه بطاسه

ونضيفها فوق الخليط مع التحريك المستمر

لين توصل لي الكثافه المطلوبه

او

نخفق بيضه مع شوي كركم وملح وفلفل اسود

ونسويها على النار مخلوطه

ونقدمها بروحها فوق الحسو

وصفة الحسو بالبيض من المطبخ الكويتي من أكلات النفاس

صحة وعافية ♥️

وصفات أكلات شعبية

وصفات أكلات شعبية

وصفات الأكلات الشعبية القديمة والتراثية والتقليدية من المطبخ الخليجي والعربي حسب موروث المطبخ الشعبي لكل دولة ومنطقة
ArabicEnglishFrenchGermanIndonesianItalianPersianPortugueseRussianSpanishTurkishUrdu