تشريبة لحم كويتية
طريقة عمل تشريبة لحم كويتية بالصور من مطبخ يوميات فرفر
وصفة تشريبة لحم لذيذه وسهله من المطبخ الكويتي الشعبي القديم
how to make kuwaiti tashreeb lamb recipe in arabic
مكونات و مقادير وطريقة عمل وتحضير تشريبة لحم كويتية :
بالبداية
نفوح اللحم بماي
بس لمدة خمس دقايق عشان نشيل زفرته
وبجدر ثاني
نحط البصل وراس ثوم
واللومي والبهارات الصحيحة
( فلفل اسود، هيل، دارسين،مسمار،ورق غار)
ونحمسهم عدل
ولما يتغير لونه
نضيف له اللحم
والماي
ونخليه يطبخ بجدر الضغط لمدة ٢٠ دقيقة
وعقب ما يطبخ اللحم نشيله
ونخليه على جنب شويه
ونحط بجدر بصل وثوم وزنجبيل
ونحمس
ونحط اللحم
ومع قفشه بهارات مشكله وكركم ، كزبرة ، ملح ، فلفل اسود
ونحمس
ونضيف علبة معجون طماط
ونحمس
ونضيف ٥ طماطات معصورة بالخلاط
ونخليه شويه يتسبك كم دقيقه بس
ونضيف له الجزر،البطاط، القرع، كوسه وفلفل علوب
وشوي نخي اختياري
ونضيف له ماي سلق اللحم
ونخليه يطبخ لين يستوي عدل
تقريبا لمدة ٤٥ دقيقه جذي
وبعدها نجيب صحن التقديم
ونحط الخبز الايراني المقطع
ونشربه بالمرقه واللحم
ونقدم تشريبة اللحم بالعافية 🥰
صحة وعافية ♥️
