برياني كويتي دجاج

وصفة رز برياني كويتي دجاج سهل ولذيذ بالصور biryani rice recipe من وصفات وعمل مطبخ نجاة الكندري

هالبرياني هابه فيه .. سريع ولذيذ وهذي طريقتي البسيطه جربيها بالعافيه

مكونات ومقادير وطريقة عمل برياني كويتي دجاج :

●عيش مشخول وماي فوح العيش ( الرز ) حطي فيه بزاليا مثلجه + ورق كاري + ملح
لازم يكون نص سوا.

●خلطة الدياي تقدرين تسوينه على ربيان او لحم
استخدمت صدور ممكن دياي بعظم.

اول تبلي الدياي قبلها بليله
ملح/ كزبر/ كاري بودر / كركم/نعناع ناشف / روب/ زيت زيتون/ فلفل بودر حار.
٠
●حمسة البرياني المعتمده:
نحمس بزيت بصل مفروم .. فلفل بارد ..فلفل حار ..جزر مبشور .. كزبر طازج مفروم ..شوفي الخضره ذبلت حطي عليهم الصدور على نار عااليه وحمسيهم مع بعض

تالي نزلي عليهم شوية معجون طماط

حطي شوية كاري ورق..

وعلبة روب .. اذا عندج اجار ( اشار ) اي نوع واي ماركه حطي ملعقه كبيره وحمسيهم مع بعض ..

كوب ماي وخلي الخلطه تتسبك وماتكون ناشفه.

بقاع الجدر حطي شويه زيت وحطي نص مقدار العيش ( الرز ) وكل حمسة البرياني..
باقي العيش .. عالويه حطي بصل مكرمل + صفار زعفران + كركم

شوية زبدة وعلى نار هاااديه خلي العيش يتسبك

قدمي البرياني بالعافيه

يقدم البرياني مع سلطة رايتا الهندية طريقته :
روب خلطي معاه جزر مبشور .. خيار مبشور .. بصله صغيره جدا مبشوره .. ملح ..عصير ليمون..

البرياني روعه وخفيف ونكهته تهبل