المرقوق بقدر الضغط الكهربائي

طريقة عمل المرقوق بقدر الضغط الكهربائي بالصور من مطبخ عبير العميرة

margoog saudi arabia recipe in arabic

المرقوق يسمونه علاج البرد … تتفقون 👀

وصفة مرقوق بقدر الضغط باللحم بطريقة عبير العميرة اتمنى تعجبكم

حلاة قدر الضغط الكهربائي إنه كل شيء على بعضه

مكونات وطريقة عمل المرقوق بقدر الضغط الكهربائي :

نحمس البصل مع الفلفل

بعدين نحط اللحم

اذا كان لحم طازج وحجمه صغير مايحتاج تقفلون عليه وتخلونه يطبخ قبل ..

على طول نضيفه

ثم نضع البهارات ومعجون الطماطم

ونخلّيه يتسبّك

ثم نضيف الخضروات

اذا من الخضروات شيء ينهرس بسرعه زي القرع ما نضيفه على طول

نخليه آخر شيء فوق مع الحباحر

ثم نضيف الماء ونخليه لين يغلي 🔥

عجينة المرقوق

العجين الجاهز راح يكون خفيف بزياده

مايتحمل قدر الضغط راح ينهرس بزياده

عشان كذا أفضّل العجينه تكون انتي تسوينها والعجينة سهلة جداً

مكونات عجينة المرقوق هي

طحين أسمر وماء ورشة ملح حتى الملح لو بدون عادي

اعجنيها وخليها ترتاح بعدين كوريها كرات متساويه وافردي كل كوره

ثم نبدأ نضيف حبات العجين نحط وحده

ونغطيها بأي غطاء اذا انتفخت مع البخار ندفّها على جنب ونحط الثانيه وهكذا ..

واذا حطينا كل العجين خلاص

نحط الحبحر فوق واي خضار سريعة الاستواء مثل القرع

ونقفل قدر الضغط الكهربائي

ونخليه يطبخ 30 دقيقة

ويطلع المرقوق بنفس الشكل اللي تشوفون .. .

وجعله هني وعافية عليكم المرقوق ♥️

وبالعافية