إيدام روبيان سهل ولذيذ

إيدام روبيان سهل ولذيذ

طريقة عمل إيدام روبيان سهل ولذيذ بالصور من مطبخ عبير العميرة

وصفة إيدام الروبيان سهل ولذيذ وسريع

ربيان طازج سوّيت منه إيدام بسيط وسهل حبيت أسويه بقدر الضغط الكهربائي لأن أحب طعمه متسبّك 😋 وهو من الايدامات السهلة

مكونات و مقادير وطريقة عمل وتحضير إيدام روبيان سهل ولذيذ :

بالبداية تبّلت الروبيان

بـ بهارات السمك + كركم + شوي ثوم مهروس

وغلفتهم لمدة نص ساعه ..

الان في قدر الضغط الكهربائي

حطيت بالقدر شوي زيت زيتون

وأضفت بصل مقطع قطع صغيره مع شوي ثوم مهروس

وحمستهم لين بدأ يذبل البصل وتتشقر أطرافه

بعدين أضفت علبة طماطم مطحون

ثم أضفت شوي من عصير الليمون

وخليته يتسبّك شوي .

ثم أضفت الروبيان

وقلّبته

وأضفت شوي ملح

وقفلت الغطاء ياخذ 5 دقايق بالضبط ..

بس من رأيي تقللون المدة لدقيقتين أو ثلاث بالكثير عشان يكون أطرى 👌🏻

وأول مايجهز ونفتح الغطاء

تضيفون بقدونس وكزبرة مفرومه وتخلطونها

وإذا تحبون نكهة الشبت ضيفو منه

وقلّبوه مع الروبيان

وقدّمو إيدام الروبيان مع رز أبيض 👌🏻

صحة وعافية ♥️

عبير العميرة

عبير العميرة

وصفات و طبخات و أكلات الشيف السعودية المتميزة عبير العميرة .. الوصفات خاصة فقط بأشهي الأكلات الشعبية والمعجنات الشعبية والحلويات الشعبية خصوصا الأكلات والنجدية والقصيمية والحائلية المشهورة والسريعة واللذيذة
ArabicEnglishFrenchGermanIndonesianItalianPersianPortugueseRussianSpanishTurkishUrdu