طريقة عمل الدقوس الحار السعودي

طريقة عمل الدقوس الحار السعودي بالصور من مطبخ عبير العميره

وصفة دقّوس الفلفل الأحمر بطريقة ماما 🌶 لذيذ وسهل وسريع

والدقوس هو صوص صلصة من المطبخ الخليجي، تحضّر من الطماطم، الفلفل الأخضر الحار، الثوم، معجون الطماطم وزيت الزيتون. تقدّم عادةً مع وجبة الكبسة أو المندي والسليق وغيرها من الاكلات

• صلاحية حفظ الدقوس شهر بالثلاجة وإذا أكثر للفريزر أهم نقطة ناخذ منه في كل مره بملعقة نظيفة ونضيف ع الوجه زيت زيتون 🍃

how to make chili sauce recipe in arabic

مكونات و مقادير الدقوس الحار السعودي :

١ كيلو فلفل أحمر حار
رشة ملح ( شيء بسيط لا يطلع طعمه )
١ م ك كمون
١ م ك كزبرة
٨ حبات ثوم ( ٤ حبات نحمّرها بالزيت و ٤ بدون تحمير )
ربع كوب زيت زيتون
ربع كوب خل أبيض

طريقة عمل وتحضير الدقوس الحار السعودي :

أول شيء ننظف حبات الفلفل

ونشيل الراس منها والبذور

كل وحده وذوقها

انا أحب أخلّي البذور ..

ثم نجهّز تاوه نضيف فيها شوي زيت زيتون

ونحمّر فيها ٤ حبات ثوم تحمير خفيف

بس تطلع ريحته نشيله

ثم نضيف الكزبرة ثم الكمون

ونحمس كل شيء لحاله

ثم نقسم الفلفل جزئين

جزء نخلطه بالخلاط الكاس

ونضيف معه كل كمّية الثوم اللي حمّرناها

و الثوم اللي بدون تحمير والكزبره والكمون وربع كوب زيت الزيتون و الخل

بعد مانخلطه ناعم نضيفه بالقدر

ثم نضيف الجزء الثاني من الفلفل

ونكون فرمناه بمحضرة الطعام فرم خشن

ثم نخلطهم مع بعض

ونخليه على نار هادئة

لين يتسبّك

ثم نخلي الدقوس يبرد على راحته

ونحطه بعلب قزاز

ونصب على الوجه زيت زيتون

وكل مره تاخذون منه تضيفون زيت زيتون ع الوجه يحفظ النكهة و ما يتغير طعمه 👌🏻

و بألف عافية يا رب .’ ♥️

صحة وعافية ♥️