طبخ خضار في قدر الضغط الكهربائي

طبخ خضار في قدر الضغط الكهربائي

طريقة طبخ خضار في قدر الضغط الكهربائي بالصور من مطبخ عبير العميرة

وصفة الخضار في قدر الضغط الكهربائي لذيذ وسهل وسريع

قد جرّبتو تسوون الخضروات بقدر الضغط الكهربائي ؟

لو ماجربتوها أنصحكم فيها

لذيذه تجي متسبّكه مثل اللي نسوّيها بالتاوه مع النودلز

بس بوقت أقل بكثير لأن مدة طبخ الخضار بقدر الضغط ١٠ دقائق فقط ولا تحتاج تحريك 😍👌🏻

مكونات و مقادير وطريقة عمل وتحضير طبخ خضار في قدر الضغط الكهربائي :

نقطع الخضروات اللي نحبّها شرائح طويله

لا هي نحيفه ولا عريضه

( بطاطس ، جزر ، فلفل رومي ، قرع ، كوسه ، بروكلي ، ملفوف ، زهره ، كرفس … الخ )

ونخلطهم مع بعض

ونحط عليهم :

ملح ، بابريكا ، ثوم بودره ، فلفل مجروش ، بهارات ايطاليه ، بهار الليمون

وشوي من زيت الزيتون 🌿 .

إذا معك وقت

اخلطيهم زين مع البهارات

ثم غلّفيه بالنايلون

وخليهم يتشرّبون البهارات

صور وصفة طبخ خضار في قدر الضغط الكهربائي

ثم على طول بقدر الضغط الكهربائي ..

بدون ولا نقطة ماء

اختار خيار أرز أو دجاج

وأضغط على خيار (-)

وأنقص المدّه إلى ١٠ دقايق بالضبط .

صور وصفة طبخ خضار في قدر الضغط الكهربائي

وبعد ماتستوي نقدمها

تلذذو فيها مع الأرز أو الخبز أو بالملعقه أو مع المكرونه

أو حطوها بصينية فرن فوقها حمسة دجاج وباشميل خفيف ..

يهبّل طعمها مرره لاتفوتونها 😋👌🏻

البعض يسأل تنفع بقدر الضغط العادي .. نعم تضبط حوالي 15 دقيقة نار وسط

صور وصفة طبخ خضار في قدر الضغط الكهربائي

صحة وعافية ♥️

عبير العميرة

وصفات و طبخات و أكلات الشيف السعودية المتميزة عبير العميرة .. الوصفات خاصة فقط بأشهي الأكلات الشعبية والمعجنات الشعبية والحلويات الشعبية خصوصا الأكلات والنجدية والقصيمية والحائلية المشهورة والسريعة واللذيذة