مصابيب بالخضار
وصفة طريقة مصابيب بالخضار لذيذه وسهله بالصور من مطبخ الشيف منى البرقان
مصابيب الخضار 😻 مرا لذيذه و خفيفه و أحب أصلحها دايم خاصة في رمضان
أجهز خضارها من الليل و أحفظها في علبه و أحطها ب الثلاجه و اذا جا العصر اكمل عاد باقي المقاير 👏🏻
مكونات ومقادير المصابيب بالخضار :
مكونات ومقادير خليط عجينة المصابيب :
كوب دقيق
ملعقه كبيره بكنج بودر
٣ بيضات
ربع كوب ماء
نص كوب زيت
علبه زبادي
ربع ملعقة صغيره اوريغانو
ملح
فلفل أسود
مكونات ومقادير الخضار :
زيتون اسود و أخضر
بقدونس
فلفل رومي
حبتين جزر
حبتين كوسة
نص كوب جبن شيدر
حبتين بصل مفرومه
نص مكعب ماجي
طريقة اعداد وتحضير وعمل المصابيب بالخضار :
طريقة الخضار :
في محضرة الطعام اضع
الزيتون و البقدونس و الفلفل الرومي والجزر والكوسة و الجبن الشيدر ..
اجرشهم في محضرة الطعام جرش غير ناعم
في مقلاة اضع البصل المفروم و نشوحها في شوي زيت حتى تتكرمل ونضيف لها نص مكعب ماجي ونطفي النار ونخليها تبرد
طريقة عمل عجينة المصابيب :
نضع في الخلاط
٣ بيضات + ربع كوب ماء + نص كوب زيت + علبه زبادي
نخلطهم مده دقيقه تقريبا ثم نضيفهم ع المواد الجافه وهي
ربع ملعقة صغيره اوريغانو + ملح + فلفل أسود + كوب دقيق + ملعقه كبيره بكنج بودر
و نخلط المكونات وآخر شي اضع الخضار المجروشة اللي سويناها وحمسة البصل ونخلطها ونخلط ونمزج المكونات جيدا
ونصبها في صاج صغير بالمقاس اللي تبين و تدهنينه ب شوي زيت
كل م كثرتي الزيت تطلع الذ 😋 بس اذا تبينها صحيه و كذا حطي بس شوي 🤤💔
و تبدين تصبينها الين تستوي من تحت و تتحمر بعدين اقلبيها ع الوجه الثاني و هكذا و بس
وتصبح المصابيب بالخضار
و عليگم بألف عآفية
وصحتين وعافية
