مقلوبة دجاج عبير العميرة

طريقة عمل مقلوبة دجاج عبير العميرة بالصور

وصفة أكلة مقلوبه الرز بالدجاج والخضار بطريقه سهله ولذيذه وبدون قلي 😋😍👌🏻 اكلة شعبية من المطبخ السعودي الشعبي

saudi arabian maqluba rice recipe

مكونات ومقادير وطريقة عمل وتحضير مقلوبة الدجاج :

نقطع الدجاجه لـ8 قطع أو على حسب الرغبه

و نشيل منها الجلد

ونتبّلها بشوي خل أبيض وزيت زيتون مع أعشاب إيطاليه

ونغطيها أقل شيء نص ساعه .

بالقدر :

نضيف الدجاج بتتبيلته

ونخليه لين يتماسك الدجاج وياخذ لون

بعدين نخليه على جمب بالقدر

ونضيف شوي زيت بالجمب الثاني

ونضيف البصل والثوم

ونكشنهم لين يتحمرون شوي وبعدين نخلطهم مع الدجاج .

ونضيف البهارات

( بهارات مشكله ، فلفل أسود وأحمر ، كركم ، حبة ليمون أسود ، حبتين هيل عدل ، وعود واحد قرفه ، ملح ) .

ونحركهم مع بعض

وبعدين نضيف طماطم مقطعه مكعبات صغيره مع فلفل رومي شرائح صغيره

ونحركهم يتسبكون

ونضيف معجون طماطم

وبعدين ماء مغلي تقريباً كوب أو أكثر شوي

نضيف الخضروات اللي نحبها أضفت

( كوسه ، جزر ، قرع ، بطاطس ، فلفل رومي ملون ملون مقطع شرائح ، فاصوليا ، فلفل حار حبات كامله )

ونغطي القدر ونخليهم على نار متوسطه ربع ساعه تقريباً. .

في قدر ثاني :

( نسلق الرز مع ماء مغلي وزيت وملح وبهارات عدله وشوي بهارات بيضاء )

نسلقه ثلاث أرباع استواء

بعدين نصفّيه من الماء

نضيف الرز على خلطة الدجاج

ولازم يكون فيها شوي مرق

وآخر شيء على وجه الرز نضيف

شوي زبده أو زيت

او على وجه الرز نضيف الكشنة مو ضروري بس تعطي طعم لذيذ

مكوناتها

بصل مقطع مكعبات نحمسه بالتاوه لين يذبل وتصير أطراف البصل بني فاتح وبعدين نضيف الزيت ونحرك لين يذبل زياده ونضيف الكركم وبهارات المسمنه

نوزعها على وجه الرز مع علوب الفلفل

بعدين نغطّي القدر

و نخليه على نار هادئه نص ساعه

وتصبح المقلوبه جاهزه

وبعدين نشيله من على النار

ونكتمه بفوطه ونخليه من ربع ساعه إلى نص ساعه عشان إذا قلبتوها تنقلب بسهوله

كل ماطولت شوي مكتومه انقلبت مضبوط وتطلع ثابته زي الكيكه 👌🏻.

اذا قلبتوها وهي حاره ما راح تطلع ثابته

وجعله بألف عافيه على قلوبكم ♥️

صحة وعافية ♥️