جريش هيفاء سليمان
طريقة عمل جريش هيفاء سليمان بالصور
وصفة جريش لذيذ جدا طريقة الجريش بالدجاج
طريقة الجريش سهله وبشكل مبسّط جداً
how to make saudi jareesh recipe in arabic
مكونات ومقادير وطريقة تحضير الجريش :
الجريش ممكن يطبخ بقدر عادي وممكن قدر ضغط وما فيه فرق بالطبخ اللهم اختصار الوقت
اول شي نحمس بصل وثوم مقطع صغار مع نص دجاجه بالعظم
ونحط عليها كمون /ملح/شوي سكر
ونقلبهم دقيقتين
بعدين نضيف مقدار كاسين ونص جريش على نص كاس رز صنوايت (سليق)
طبعاً بعد مانغسلهم ويكون منقع ساعه ع الاقل
بعدين نضيف تقريباً كاسين لبن
وماء مغلي
مقدار المويه يكون كثير مغطي الجريش تقريباً النص
بعدها نتركه على نار عاليه لين يغلي لمده خمس دقايق
بعدها نغطيه بقصدير ونخليه على نار هاديه لمده ثلاث ساعات
والي حاب قدر الضغط ماياخذ ساعه وحده ويستوي
بعدها نفتح القدر ونشيل العظم من الدجاج
ونحرك الجريش على اتجاه واحد
ملاحظه الدجاجه بدون عظم طعمه يختلف عن الدجاج اللي بالعظم يفرق بالطعم
طريقة عمل الكشنة فوق الجريش
خلطة البصل الكشنه فوق الجريش طبعاً لها طرق كثييره ..لكن انا بعطيكم طريقتي
بصل مقطع صغار ..مع فلفل حار مقطع صغار
اكشنه في ودكه شوي ( زيت )
وبعدين احط عليه
ملح وشوي سكر وبابريكا وشوي ليمون اسود مطحون
واخليه لين يذبل مرره
ملاحظه كثير يسألون ليش تحطين سكر
(السكر مع الملح يعطي معادله حلوه في الطعم )
يعني بدل الماجي
وهالحين نحط الجريش بطبق التقديم
ونحط المسمنه او خلطة البصل الكشنه فوق الجريش
ويقدم الجريش بالعافيه
وبالعافية
