سلطة الكينوا

طريقة عمل سلطة الكينوا بالصور من مطبخ عبير العميرة

وصفة سلطة الكينوا 🍃 لذيذه وسهله وسريعه

الكينوا مالها طعم تشبه البرغل وفوائدها عجيبه 👍🏻

how to make easy quinoa salad recipe in arabic

مكونات و طريقة عمل وتحضير سلطة الكينوا :

لتجهيز الكينوا

كل كوب يحتاج كوبين ماء

والأفضل نغسله زين بماء اقرب للبارد

عشان يروح كل طعم المراره

وبعدين نطبخه

يحتاج ١٠ دقايق على نار وسط

بعدين على طول اغسلها بماء بارد

وأخليها بمصفاة لين تنزل مويتها كلها

الان نعمل السلطه

كل شغلي على حسب الرغبة :

أجيب زبديه كبيره

وأكون مجهزه الخضروات ومقطعتها

عشان أخلطها كلها مع بعض بنفس وقت التقديم

في قاع الزبدية اعمل صوص السلطه

أضيف عصير ليمونه + شوي دبس رمان + شوي من كريمة البالسميك + زيت زيتون

واللي يحب يضيف ” فص ثوم مهروس “

وأخلطهم مع بعض

وأضيف عليهم :

خس ، بقدونس

بصل أحمر مقطع شرائح رفيعه

فلفل رومي ملون

ثم أضيف الكينوا على حسب كمية الخضروات الموجوده عندي

والباقي احتفظ فيه بالثلاجه

وآخر شيء افوكادو مقطعه مكعبات

وأضيف ملح واخلط المكونات

وخلصنا من سلطة الكينوا 😍🍃

و بالعافيه على قلبكم 🤍

صحة وعافية ♥️