كيك هيفاء سليمان
طريقة عمل كيك هيفاء سليمان بالصور
وصفات صنع وتحضير الكيك بطريقة هيفاء سليمان
وصفة كيكة الليمون
وصفة كيكة الزبادي
وصفة كيكة أمي
وصفة كيكة اللوز
وصفة كيك التمر
وصفة كيكة التمر
how to make easy arabic cake recipe homemade
وصفة كيكة الليمون
المقادير والطريقة لعمل كيكة الليمون :
اربع بيضات وكوب سكر نخلطهم في خلاط الكيك لين يصير قوامهم كريمي
بعدين نضيف فوقه عصير ليمونه ونبسر القشر حقها
ونحطهم مع بعض وكوب زيت
ونخلطهم كلهم في الخلاط تبع الكيك
بعدين ننخل كوبين ونص دقيق وكوب حليب ناشف وملعقه بكنغ بودر
ونحطهم كلهم مع المقادير السابقه في الخلاط
بعدين نصبهم في صينية تيفال مدهونه بالزيت
وندخلها الفرن من تحت لين تستوي على درجه ٢٥٠
وبعدها نفتح الي فوق لين تتحمر
واذا طلعناها من الفرن نصب عليها صوص الليمون حقها
الصوص مكون من خمس ملاعق ليمون وكوب سكر مطحون
وبالعافيه ♥️♥️
===
وصفة كيكة الزبادي
كيكة الزبادي بطريقة قديمة واتوقع الكل عارفها الي يحبون كل شي بسيط وخفيف
المقادير والطريقة لعمل كيكة الزبادي :
نحط في الخلاط
علبة زبادي /نص كاس زيت /ثلاث بيضات /كاس سكر /ملعقه صغيره بكنغ بودر /شوي فانيلاً
نخلطهم مع بعض
وبعدين نحطها على مقدار علبه الزبادي دقيق منخول
ونحركه بالمضرب كله
وندخله الفرن على حراره ١٨٠ درجه من فوق وتحت
وبالعافيه ❤️
===
وصفة كيكة أمي
المقادير والطريقة لعمل كيكة أمي :
ثلاث كاسات دقيق .خمس ملاعق حليب بودرة . .كأس ماء . ملعقتين بكنغ بودر . .نص ملعقه صغيره فانيلاً . .ثلاث ملاعق بودرة تانج او يمكن استبدالها بعصير برتقاله ونص .بيضتين . .نص كاس زيت . .نص ظرف كريم كراميل . .كأس سكر
تخلط جميع المقادير في الخلاط
وبعدين نصبها في صينيه مدهونه بالزيت والدقيق
وبعدين ندخلها الفرن ويكون الفرن حار من قبل
افتحو نار الفرن من تحت لين تنتفخ
وبعدين افتحوه النار من فوق يتشقر
بالعافيه 💗
===
وصفة كيكة اللوز
المقادير والطريقة لعمل كيكة اللوز :
ناخذ كاس سكر وكاس لوز
ونقلبهم على النار لين يتكرمل السكر ويتقمر اللوز ويصير لون السكر بني
بعدها ندخلهم الفريزر لين يجمد ونطحنهم طحن خشن ناعم مايكون بودره ولا خشن مره
ناخذ اربع ظروف دريم ويب واربع ملاعق حليب بودره وملعقه نسكافيه ونص كاس مويه بارد
ونخفقهم زين لين يصير قوامه مثل الرغوه
ناخذ بسكوت شاي ونغمسه في حليب سائل
ونصف في الصينيه طبقتين بسكوت
وبعدها خليط الدريم ويب
وبعدها نحط فوقه خلطه اللوز مع السكر
يعني طبقات كل طبقتين بسكوت فوقها دريم ويب وخلطه سكر
ملاحظه
اللوز مع السكر بعد مانجرشه ننخله
ونعزل الناعم نحطه فوق طبقات البسكوت
والخشن نحطه فوق الطبقه الاخيره وعلى الجوانب اذا فكينا الصينيه
وندخل الصينية الثلاجه لين يبرد وبعدها نطلعه
ونفك الصينيه ونكمل السكر على الجوانب
ملاحظه
لازم الصينيه تكون قاعده متحركه
وبالعافيه
===
وصفة كيك التمر
المقادير والطريقة لعمل كيكة التمر :
كاس تمر نصب عليه كاس ماء حار
ويترك نص ساعه ويخلط بالخلاط
نخلط بيضتين مع نص كاس سكر ، نص كاس زيت شوي فانيلا شوي رشة هيل
ونصب خليط التمر وخليط البيض على كاس دقيق مع ملعقه كبيره بيكنج باودر وملعقه صغيره قرفه ورشة ملح
وتخلط حتى تتجانس وتصب في صينية وتخبز
لعمل الصوص :
علبة حليب مركز نستله ، ظرف كريم كراميل ، ملعقتين كبيره نسكافيه
تحرك على النار شوي الى ان تذوب النسكافيه فقط
ويترك يبرد ويصب فوق الكيكة🤍🕊
===
وصفة كيكة التمر
المقادير والطريقة لعمل كيكة التمر :
مقادير كيكة التمر :
المجموعة الأولى :
١ كاس تمر خلاص ٣/٤ كاس موية ١ ملعقة كبيرة نسكافه
توضع المقادير السابقة في خلاط الكاس
المجموعة الثانية :
١/٢ اصبع زبدة سائل ٣/٤ كاس سكر ٣ بيض ملعقة صغيرة خل ١ ملعقة صغير فانيلا ١ ملعقة صغير قرفه
تخلط بخلاط الكيك المجموعة الثانية
وتخلط المجموعتين مع بعض
ويوضع عليها كاس ونص طحين أبيض وملعقة صغيرة ممتلئة بيكربونات الصوديوم
وتخلط
ثم تخبز في الفرن
لعمل الصوص :
١/٤ كاس سكر ابيض ١/٤ كاس سكر بني
توضع على النار حتى يذوب
ويضاف لها ربع أصبع زبدة
وبعدين يضاف كأس كريمة خفق
ويصب على الكيكة وهو بارد أفضل
وبالهناء والعافية 💓
صحة وعافية❤️♥️
