وصفات خلية النحل عبير العميره
طريقة عمل وصفات خلية النحل عبير العميره بالصور
محتويات
خلية النحل بالجبنة الكيري والعسل
خلية النحل بالقرفة
خلية كنافة بالقشطة والمكسرات
خلية السينابون – كرات القرفة
خلية نحل بعجينة البطاطس
خلية الشطرنج
خلية النحل المالحة
خلية نحل مالحة بالزعتر
خلية نحل صغيرة
how to make arabic beehive sweet buns recipes
خلية النحل بالجبنة الكيري والعسل
خلية النحل بالعسل | ✨ اللي مآ جرّبتها ضروري تجرّب شيء خياااال 👌🏻
مكونات عجينة خلية النحل :
– ٣ أكواب دقيق أبيض .
– ملعقة طعام خميرة .
– نصف ملعقة شاي ملح .
– فنجان قهوة سكر تقريباً ٣٠ جرام .
– نصف اصبع زبدة بحرارة الغرفة ٥٠ جرام .
– علبة زبادي ١٧٠ جرام
– كوب حليب سائل دافىء مو مغلي ٢٥٠ مل .
الطريقة لعمل الخلية :
نخلط الدقيق مع الملح والسكر والخميرة
ثم نضيف الحليب والزبادي ونعجن
ثم نضيف الزبدة لين تصير عجينة متماسكة
ونتركها تتخمر لين يتضاعف حجمها
بعدين نأخذ العجينة ونطلع منها الهواء
ونقسمها
ونحشيها بجبن كيري
ونكورها
وندهنها حليب أو بيض
ونرشها بالسمسم
ونغطيها ونتركها تتخمر شوي
ولما ارتاحت دقايق
ندخلها فرن ساخن مسبقاً ٣٧٠ فهرنهايت
تقريبا ٢٥ دقيقة
لين تتحمّر وتاخذ لون
و نطلعها
ثم نسقيها عسل يصير طعمه حلو وخفيف .. .
خلية النحل من الداخل
وبألف عافيه على قلوبكم ❤️✨
===
خلية النحل بالقرفة هشة مثل القطن
خلية النحل أو كرات القرفة عملتها في عجينة قطنيه ” تهبّل
مكونات عجينة خلية النحل القطنيه :
كوبين وثلاث ارباع الكوب طحين
رشة ملح
ملعقة كبيرة سكر
نصف علبة لبن زبادي
ثلث كوب حليب
ربع اصبع زبدة
نصف ملعقة كبيرة خميرة
ثلث كوب حليب سائل
الطريقة لعمل وتحضير خلية النحل بالقرفة :
لعمل العجينة
خلي العجانه بالاول تشتغل على سرعه خفيفه
وضيفي المقادير الجافه ثم السائله وارفعي السرعه
وآخر شيء الزبده
خلي مدة العجن حوالي عشر دقايق
الحليب سائل ممكن تزيدون منه شوفو القوام كيف يكون معكم إذا مضبوط تمام ، اذا يحتاج حليب سائل زيدو ولا تحتاج ماء 👍🏻
ويطلع معنا عجينة تهبل
ونغطي العجينة حوالي ساعة ترتاح وتتخمر
وبعد ما تخمرت
نطلع الهواء منها ونعجنها باليد مره ثانية شوي
ونجهز الجبن عشان نحشيها
وبعد ما نحشيها ونكورها
نجهز طبق زبدة مذابة وطبق خليط القرفة
عبارة عن قرفة مطحونة ومنخوله ناعم وسكر بني بودره وشوي دقيق ابيض ورشة ملح
خليط القرفه عشان يكون رملي وناعم انخلوه 👌🏻
وندحرج الكرات بالزبدة والخليط ونصفها بطبق
وندخلها الفرن
وبعد خروجها نسقيها نستله او شيره ونزينها بالمكسرات وتقدم
و عسآها بألف عآفيه على قلوبكم 🫶🏻
===
خلية كنافة بالقشطة والمكسرات
لعمل خلية الكنافة
أول شيء عندي كيلو كنافة طازجة أضيف له ربع كوب سكر ناعم
+ كوب كامل زبده ذايبه
وأفرك الخصل زين زين لين تتبلغ كامل 👌🏻
مو ضروري نفرم الخصل إذا هي ناعمه ومتفككه نقطعها باليد يكفي .
واجهز المكسرات
مكسرات مجروشة ناعم بندق محمص ، عين الجمل محمص ، حبات فستق
لمن أحمصهم أخلطهم مع بعض وأجرشهم بالطاحونه
بعدين أخلط معهم شوي سكر بودره + قرفة مطحونه ” .
الحين يكون عندي فنجان صغير
ألبسه بالتغليف النايلون
وأحط فيه شوي من الكنافة
وأضغطها زين وأسوي فتحه للحشوة ..
أحط من المكسرات شوي
ثم فوقهم القشطه
بعدين نقفل عليها بشوي من شعر الكنافه ونغطيها
ونضغط عليها
ونقلبها بالصينيه جنب بعض
ثم ندخل خلية الكنافة لفرن مسبق التسخين
على درجة ١٨٠ْ من تحت ٢٠ دقيقه
ثم نفتح عليها من فوق لين تاخذ لون حلو ..
ثم أول ما نطلعها من الفرن نسقيها بشيره بارده ..
• طريقة الشيره :
كوبين سكر + كوب ماء + م ك عصير ليمون ..
نخلط السكر مع الماء ونخليها تغلي 10 دقايق بعدين أضيف الليمون
وأطفّي عنها النار وأخليها تبرد بجو المطبخ .
واسقي الخلية وازينها بالمكسرات والورد المحمدي
وعليكم بألف عافيه 💓✨
===
خلية السينابون – كرات القرفة
اللي مآ جرّبت طريقتي بعجينة خلية النحل السينابون ضروري تجرّب شيء خيال 😍👌🏻
مكونات عمل الخلية :
– ٣ أكواب دقيق ٧٥٠ غ
– ملعقة اكل خميرة ١٥ غ
– نصف ملعقة شاي ملح ٥ غ
– فنجان قهوة سكر تقريباً ٣٠ غ
– نصف اصبع زبدة بحرارة الغرفة ٥٠ غ
– علبة زبادي ١٧٠ غ
– كوب حليب سائل دافىء مو مغلي ٢٥٠ مل
– جبنة كيري
الطريقة لعمل الخلية :
– نخلط الدقيق مع الملح والسكر والخميرة
ثم نضيف الحليب والزبادي ونعجن
ثم نضيف الزبدة حتى تصبح عجينة متماسكة
ملاحظة : غالباً اي دهون في العجينة نضيفها في النهاية .
ونتركها تتخمر حتى تتضاعف في الحجم
– نأخذ العجينة ونطلع منها الهواء
ونقسمها ونحشيها بالجبن ونكورها
ونتركها تتخمر أيضاً شوي
وأدهن بيدّي شوي زبده ذايبه وبعدين أقلب الكوره في ( سكر بني + قرفه + كاكاو بودره )
وممكن تكتفون بالسكر البني + القرفه
وبعدين نخبزهم وندخلها فرن ساخن مسبقاً ٣٧٠ فهرنهايت
تقريبا ٢٥ دقيقة
وبعد مانخبزهم ونطلعها
نضيف عليهم خليط النستله مع الكيري ( علبه كامله مع 4حبات كيري )
وبعدين خطوط من التوفي والجالكسي
وجملتهم بالفيوتين والفيوتين عباره عن طبقه هشه خفيفه تستعمل في تزيين الحلويات ..
وتقدم الخلية
عساها ألف عافيه على قلوبكم 💕
===
خلية نحل بعجينة البطاطس
أروع وأطرى خلية نحل بخبز البطاطس | شيء يجنن كأنه خديدآت من طرآوته🙊 لازم تجربونه وبتدعون لي متأكده 😍👌🏻.
لعمل عجينة خلية النحل :
كوب بطاطا حلوه مهروسه اللي تكون لونها أورنج .
+ ( م ك خميره + ملعقتين سكر بني خشن أو سكر عادي الأبيض + كوب ماء دافي )
+ نص اصبع زبده بحرارة المطبخ 50 جرام مقطعه مكعبات + ربع م ص ملح .
+ 3 أكواب ونص طحين أبيض كويتي .
الطريقة
نخلط الخميره والسكر والماء مع بعض
ونخليهم 10 دقايق بعدين نضيف الخليط بالعجانه .
ثمن نضيف عليه البطاطس ونخلطهم مع بعض .
نضيف الزبده ثمن الملح
ثمن نبدأ ننزل الطحين بالتدريج
ونخلي العجانه على سرعه متوسطه 10 دقايق .
نغطيها ترتاح لمدة ساعه كامله .
ونآخذ قطعه من العجين
ونحشيها جبن كيري
ونكورها ونصفهم بالصينيه
ونغطيهم نص ساعه يتخمرون .
بعدين ندهن الوجه بالحليب مع السمسم
ثمن ندخلهم لفرن حار 450 فهرنهايت
إذا فيه مروحه نشغلها من فوق وتحت ماراح ياخذ 5 دقايق على طول يستوي
واذا مافيه مروحه من تحت ثمن من فوق تشقير خفيف مايطول بالفرن أبد 👌🏻
أول ما نطلعها من الفرن نسقيها شيره أو عسل
و بألف عافيه على قلوبكم 😍
خلية النحل من الداخل
وبالعافية
===
خلية الشطرنج
خلية الشطرنج لا تفوتكم لازم تجربونها العجينة هشه وطريّه تذوب في الفم 😋👌🏻 وتنفع لكل يوم خصوصاً في رمضان مع الشاي .. :
مكونات عجينة خلية الشطرنج الهشه :
٣أكواب طحين .
+ رشة ملح .
+ م ك خميره .
+ فنجان قهوة سكر .
+ نص اصبع زبدة ٥٠ جرام
+ علبة زبادي .
+ كوب حليب سايل دافي
طريقة عمل خلية الشطرنج الهشه :
كل المكونات بدرجه الغرفه
نعجنها مضبوط الين تصير ناعمه متماسكه ولينه
اذا كنتي تعجنين بيدك يمكن سبع دقايق
واهم شي خليها تخمر الييين يتضاعف حجمها
بعدين نقسمها قسمين :
قسم نخليه زي ماهو أبيض
وقسم نزيد عليه ملعقتين كبيره قرفه وم ك شوكلاته بودره الحالية .
ونخليها لين يتضاعف حجمها
وبعدين نحشي العجينة البيضاء قطعة شوكلاته ساده .
والعجينه اللي فيها قرفة وشوكلاته نحشيها جبن كريمي
ونصفّها جمب بعض في صينية مربعة
و آخر شي ندهنها بصفار بيضه + شوي حليب سايل
ونرشها بسمسم
وندخلها للفرن محمى مسبقا من تحت لين تستوي
وبعدين نسقيها شيرة او حليب محلى مخفف بالشيره أو حليب محلّى فقط اللي تحبون ..
وهذا شكل العجينة البنيّه وخلية النحل من الداخل وجوا محشيه جبن كيري
ركزو ع العجينه كيف هشّه ولذيذه 🙊😍😋👌🏻
ومع النوتيلا يا سلام
وبالعافية
===
خلية النحل المالحة
خلية بشكل جديد 😍 بحشوة البيتزا وحشوة الجين
مكونات ومقادير عجينة الخلية :
خمسة أكواب دقيق
ملعقتين ك خميره
ملعقه ك بيكنج بودر
فنجان سكر
ثلث كوب زيت
خمسة ملاعق ك حليب نيدو
ملعقه صغيره ملح
الطريقة لعمل الخلية المالحة :
تعجن المكونات بالماء حتى تتكون عندك عجينه ومتماسكه ولينه
وتترك حتى تتخمر
ونجهز أي حشوه مالحه نحبها 😋👌
* مقادير الحشوه اللي سويتها :
نحمس بصل مقطع صغير جدا ً+ ثوم مفروم
ثمن نضيف عليهم قطع دجاج مقطعه مربعات صغيره
ونشوحها لين تتحمر خفيف
وبعدين نضيف البهارات وشوي كركم والملح والفلفل الاسود
بعدين نضيف فلفل رومي مقطع ناعم + بصل اخضر مقطع ناعم + جزر مبشور + مكعبات بطاطس مقليه ..
وإذا استوت نضيف جبن سايل الكميه اللي نحبها
بعدين نحط الخلطه بصحن
ونبشر عليها جبن كرافت
ونقلبهم مع بعض
ونبدى ناخذ كوره من العجين ونفردها بيدينا رقيقه ونحشيها ونكورها ونرتبهم بالصينيه
* وآخر شي ع الوجه :
صفار بيضه + شوي حليب سايل
بعدين نحط على كل كورة زيتون شرائح ونضغط عليه بالاصبع عشان يثبت
بعدين ندخلها فرن حار مشغل من فوق وتحت
وإذا تحمرت من فوق نطفي اللي فوق ونخلي اللي تحت لين تتحمر
بعدين نطلعها من الفرن
وعلى طول نغطيها بفوطه وفوقها سفره أو كيس ..
عشان تكون ولا أطرى 😍😋👌
*حشوات مقترحه ومجربتها لذيذه /
١- حشوة بيتزا / ( نسوي صوص طماطم واذا صار بارد نخلط معه فلفل رومي + بصل شرائح “على حسب الرغبه” + شوي دجاج مفروم محموس ) بعدين نقطع الكرافت مكعبات ونضيف على كل كوره مع الحشوه مكعب ونكورها واذا دهناها نضيف الزيتون او اذا تحبون مع الحشوه تزيدون زيتون على راحتكم 😘
٢- الحشوه الثانيه / ( جبن كرافت مبشور + فلفل بارد ألوان + زيتون نوعين مقطعه صغار وفلفل حار مقطع صغار واي نوع جبن تحبون + رشة أوريغانو )
٣- الحشوه الثالثة / ( جبن مالح + زيتون نوعين مقطعه صغار + فلفل حار مقطع صغار + شوي شبت )
وعساها بألف عافيه على قلوبكم 💚
===
خلية نحل مالحة بالزعتر
الخلية المالحة بالزعتر الخالي من الغلوتين ( الجلوتين ) -😍😋👌🏻
لا تفوتكم لازم تجربونها العجينة هشه وطريّه وتذوب في الفم 😍😋👌🏻
والعجينه يوم خلطت معها الزعتر طلع طعمها خطييير وريحتها تجنن وهي توها مخبوزه مره خيال 😌🍞
ملاحظه :/
اللي عندهم حساسية القمح يستخدمون المنتجات الخاليه من الجولتين لكل مقادير الوصفه واللي ماعندهم عادي يستخدمون الزعتر العادي او يجربون الزعتر هذا لأن نكهته مره روعه 😍👌🏻
مكونات عجينة الخلية المالحة :
٣أكواب طحين .
+ رشة ملح .
+ م ك خميره .
+ ملعقتين كبيره زعتر ( خالي من الجولتين ) .
+ فنجان قهوة سكر .
+ نص اصبع زبدة ٥٠ جرام .
+ علبة زبادي . + كوب حليب سايل دافي .
طريقة الخلية المالحة :
نعجنها مضبوط لين تصير متماسكه ولينه
بعدين نخليها لين يتضاعف حجمها
وبعدين نحشيها بهالحشوه طلعت لذيذه حبيتها 😋👌🏻
( جبن مالح + نعناع طازج مفروم + فلفل رومي مفروم + زيتون مفروم ( اختياري ) + فلفل حار مجروش ( اختياري ) + رشة خفيفه زيت زيتون )
اذا كثرتو زيت راح يبهذلكم بالحشو فعشان كذا اقول رشه خفيفه 👌🏻 :.
و تقدرون تحشونها بأي حشوه تحبونها 😍 انا نوعت بين الكيري وخلطة الجبن المالح ..
و آخر شي ندهنها
بـ ( صفار بيضه + م ك حليب سايل + م ص خل )
وحطيت على كل حبه فلفل وردي مستورد يجنن شكله 😍
وندخلها للفرن لين تستوي
وبعدين اول ما نطلعها
ندهنها بربع اصبع زبده مذوّب مع م ص عسل خفيف يعطيها لمعه 😍😋👌🏻
هذا شكلها من الداخل لذيذه و العجينه طريّه مره 😩😍😋👌🏻
أتمنى ترتقي لذآئقتكم ☺️💕
و جعلها بألف عآفيه على قلوبكم ❤️💐
===
خلية نحل صغيرة
وردآتي الجميلات * 🌸 الكل يحب ويعرف خلية النحل جربوها بصينية الكب كيك المعروفه اللي حجم كبير تطلع مرتبه وجميله ☺️
مكونات العجينة :
٣أكواب طحين .
+ رشة ملح .
+ م ك خميره .
+ فنجان قهوة سكر .
+ نص اصبع زبدة ٥٠ جرام .
+ علبة زبادي .
+ كوب حليب سايل دافي . أقصد فيه : ( المراعي .، السعوديه .. الخ ) .
الطريقة :
نعجنها مضبوط لين تصير متماسكه وليّنه
بعدين إذا تخمرت نكوّرها صغنونات
ونحشيها جبن كيري
و نحط وحده بالنص وحوالينها ٦ حبات
بعدين أدهنوها بصفار البيض المخفوق مع شوي حليب سايل
وبعدين ندخلها الفرن ويكون حار مسبق التسخين
وإذا استوت نسقيها شيره وياسلام تطلع طريه وأشكالها مره جميله 🌸😍🍃 .
.
** أكيد كثير منكم يعرف هذي الحركه بس حبيت أذكّركم فيها ** ☺️🙈 .
أحبكم وأحب دعوآتكم ❤️🌹
وبالعافية
