مجبوس دياي كويتي
طريقة عمل مجبوس دياي كويتي بالصور من مطبخ يوميات فرفر
وصفة مجبوس دياي كويتي اصلي 🐓 لذيذ وسهل 🤤😍
مجبوس الدياي مع حشو البطاط من المطبخ الكويتي الشعبي القديم جربوهااا 😍🤤
جربو هالطريقة بتصير ادمان😋
how to make chicken machboos kuwaiti recipe in arabic
مكونات و مقادير مجبوس دياي كويتي :
ديايه منظفه ومغسوله ( دجاج )
عيش منقوع ومغسول ( رز )
٣ بصلات مقصصه
راس ثوم
٢ لومي
لومي اسود
زنجبيل بودر
دارسين بودر
هيل بودر
ملح
كركم
زيت طبخ
بطاط مقلي مقصص مكعبات
بهارات صحيحه؛ هيل حب ،مسمار، ورق غار، دارسين فلفل اسود
بهار القصار للاكل
بهار القصار للحشو
زعفران منقوع بماي ورد
طريقة عمل وتحضير مجبوس دياي كويتي :
لتجهيز الدياي
نحط زيت ونحمس البصل
ونضيف البهارات الصحيحه
( فلفل اسود ،ورق غار ، دارسين وهيل ومسمار ولومي )
ونحط قفشه بهارات القصار
وعقب ننزل الدياي
ونحمسه لما يتغير لونه
حوالي ١٠ دقايق
وتالي نحط ملح وماي مغلي لما يغطي الدياي
ونشيل الزفرة طبعا
ونخليه يطبخ ساعه تقريبا اذا جدر عادي
واذا جدر ضغط نص ساعه
ونشيل زفرة الدياي من الماي اذا فيه
وعقب مايستوي الدياي نحتفظ بالماي طبعا مانقطه.
ونحمر الديايه بعد السلق
نرش عليها هيل ودارسين وزعفران ونقليها
لتجهيز الحشو فوق الرز :
نحمس بصله بدون ولاشي
ولما يتغير لونها
نضيف بهارات الحشو
وكركم وهيل ودارسين وفلفل اسود وملح
ونحمس
ونضيف النخي والبطاط المقلي
وكشمش اذا تحبون
ونحط شويه زيت
واخر شي ماي ورد وزعفران.
ويكون كذا الحشو جاهز
لتجهيز العيش ( الرز ) :
نحمس بصله ناعمه مع زنجبيل بودر وهيل بودر ودارسين
ونكت عليه العيش
ونضيف ماي سلق الدياي
ونوازن الملح
ونخليه لما يستوي
وعقب مايستوي
نرش عليه دارسين وهيل وماي ورد وزعفران
ونخليه يطبخ عشرين دقيقه جذي
وقبل النهاية بعشر دقايق
نحط على الوجه
الدجاجه اللي حمرناها
والحشو اللي عملناه
ونغطيه
وبعد نهاية الوقت
نقدم المجبوس الكويتي بالدياي وفوقه الحشو
صحة وعافية ♥️
