سمك السلمون بالمقلاة

سمك السلمون بالمقلاة

طريقة عمل سمك السلمون بالمقلاة بالصور من مطبخ عبير العميرة

وصفة سمك السلمون بالمقلاة لذيذ وسهل وسريع

طريقته ولا أسهل منها بس يبي لكم تفهمون الخطوات ويطلع عندكم سالمون ولا ألذ 😋👍 .

– ملاحظه /

انتبهو انكم تحطون ملح او ليمون مع التتبيله !

الملح تضيفونه عليه مباشره أثناء الطبخ

والليمون بعد مايستوي السالمون

وهذي النصيحه عموماً مع جميع انواع السمك .

how to cooking salmon fish recipe in arabic

مكونات و مقادير وطريقة عمل وتحضير سمك السلمون بالمقلاة :

فيليه السالمون ماتغسلونه أبداً

لأن اذا غسلتيه بالمويه يروح طعمه وممكن يتفتت معك 🙊.

نتبّل فيليه سمك السلمون بـ

( فلفل أسود مجروش وزيت زيتون شي خفيف و ممكن تضيفون ثوم مهروس + قشر ليمون أصفر)

وننتبه ما نحط عصير ليمون بالتتبيله او خل لأنه راح ينهري السمك وممكن يتفتت 💔

أنا هالمرّه أضفت ( بهار الليمون الجاهز )

صورة وصفة سمك السلمون بالمقلاة cooking salmon fish

نجيب مقلاة او صاج أو تاوة

ونرفع النار على اعلى شي لين تحتمي التاوه

بعدين نضيف شوي زيت زيتون

ونحط السالمون

ونرش عليه ملح

ونخليه على نار عاليه دقيقتين إلى ثلاث

بعدين نقلل درجة الحراره

ونراقبه اذا تغير لونه نقلبه ع الجهه الثانيه

ونرش شوي ملح ونغطيه بغطاء

ونخليه لين يستوي

ما يطول ع النار ممكن ١٠دقايق

وبعد ١٠دقايق نطفّي النار

ونخليه ٧دقايق زياده قبل مانقدّمه

نجيب قدر صغير ونحطه ع النار

فيه ربع زبده مع عصير ليمونه أخضر ممكن أصفر بس الأخضر ألذ مع الوصفه

( هذي الطريقه ماتتخيلون كيف تعطي لذاذه غير شكل ) 👍

وعند التقديم

نصبها ع سمك السلمون قبل ما نشيله من المقلاة

ونحط فوقه شبت أو ممكن تقدمونه على حسب رغبتكم

وبس خلصنا سهل وطعم أموت عليه 😋💘 .

صورة وصفة سمك السلمون بالمقلاة cooking salmon fish

وقدمته مع رز ابيض

وبألف عافيه على قلوبكم ❤️

صورة وصفة سمك السلمون بالمقلاة cooking salmon fish

صحة وعافية ♥️

عبير العميرة

عبير العميرة

وصفات و طبخات و أكلات الشيف السعودية المتميزة عبير العميرة .. الوصفات خاصة فقط بأشهي الأكلات الشعبية والمعجنات الشعبية والحلويات الشعبية خصوصا الأكلات والنجدية والقصيمية والحائلية المشهورة والسريعة واللذيذة
ArabicEnglishFrenchGermanIndonesianItalianPersianPortugueseRussianSpanishTurkishUrdu