حشوة دجاج بالخضار لذيذة لكل شيء

حشوة دجاج بالخضار لذيذة لكل شيء

طريقة عمل حشوة دجاج بالخضار لذيذة لكل شيء بالصور من مطبخ عبير العميرة

وصفة ألذ حشوة صدور دجاج مع الخضار رهيبة ولذيذة

وتنفع الحشوة لكل شيء للمعجنات والفطائر والسمبوسة وجيب التاجر والاقماع والسندوتشات والمكرونة وايضا السلطه

مكونات و مقادير وطريقة عمل وتحضير حشوة الدجاج بالخضار :

بعض التكنيكات البىسيطه تصنع الفرق 😍

بأكتب لكم وش سويت بالتفصيل /

 قطعت الخضروات بالسكينه لمكعبات صغيره ” بطاطس + فلفل رومي ملون “

جبت الصاج وأضفت فيه قطعة زبده مع شوي زيت زيتون

وأحرّك لين تستوي الخضروات وتتسبك مع بعض

أحياناً تنشف وهي ما بعد استوت

حطي جنبك بخاخ أو كوب ماء صغير

رشّي شيء بسيط

وحرّكي لين تستوي وتاخذ لون ..

بالصاج الثاني

ضيفي قطع صدور الدجاج

بدون بهارات ولاملح ولا شيء

فقط على صاج حار

وخليها تتماسك وتاخذ لون من الجهتين

بس تتماسك وما تنزل مويتها مو شرط تستوي

ضيفي الدجاج على الخضروات

والبقايا من الدجاج في قاع الصاج

ضيفي عليها ماء شوي ونزليها معه

ثم الحين نحط البهارات

ملح

وبهارات : بابريكا ، بديل الماجي ، كركم ، بهارات ايطاليه ، فلفل أسود

ونحرّكهم مع بعض زين

ثم نضيف شريحتين جبن

ونغطي عليها تذوب .

وآخر شيء

نضيف شوي من البقدونس والكزبره المفرومه

ونحرّك لين تتجانس كل المكونات .

وتصبح حشوة الدجاج بالخضار جاهزة

صورة وصفة ألذ حشوة صدور دجاج مع الخضار رهيبة ولذيذة

لا تكثرون أجبان وصوصات تضيّع طعم التسبيكه خليهم يحسّون بطعم لذيذ بدون لغاويص .

هذي الحشوه تخليك تقدرين تقسمينها على كذا وصفه في وقت واحد :

مثال / تحشينها بأقماع أو ميني خبز مفرود أو جيب التاجر ..

وجزء منها تضيفينه مع المكرونه ،

وجزء مثلاً تحشينه بصامولي أو توست ،

أو تضيفينه على وجه سلطه لو حبّيتي تكون أخف .. و و و

بالنسبه لي دهنت خبز التوست الأسمر ” هرفي بالنخاله “

افوكادو مهروس

وأضفت الحشوه

وحمصتها وعقب فتحتها

وأضفت خس وبصل أبيض شرائح ومخلل خيار

صورة وصفة ألذ حشوة صدور دجاج مع الخضار رهيبة ولذيذة

هني وعافية 💕

عبير العميرة

عبير العميرة

وصفات و طبخات و أكلات الشيف السعودية المتميزة عبير العميرة .. الوصفات خاصة فقط بأشهي الأكلات الشعبية والمعجنات الشعبية والحلويات الشعبية خصوصا الأكلات والنجدية والقصيمية والحائلية المشهورة والسريعة واللذيذة
ArabicEnglishFrenchGermanIndonesianItalianPersianPortugueseRussianSpanishTurkishUrdu