بسبوسة المقلاة افنان الجوهر

طريقة عمل بسبوسة المقلاة افنان الجوهر بالصور

وصفة بسبوسة في المقلاة سهله وسريعة ولذيذة و مضبوطه مكتوبة 🤤🧡

بسبوسة لذيذه وتفك ازمة اللي ماعنده فرن 😍🤩👌🏻

how to make saudi arabian basbousa recipe in arabic

المكونات والمقادير لعمل بسبوسة في المقلاة :

نص كوب سميد
نص كوب حليب بودرة
ثلث كوب سكر
نص ملعقة صغيرة بيكنج بودر
ثلث كوب زيت
علبة قشطة ١٧٠ غرام
⠀
الحشوة :

قشطة قيمر
⠀
شيرة الحليب المكثف :

ربع كوب حليب مبخر
نص كوب حليب مكثف

طريقة عمل وتحضير بسبوسة في المقلاة :

⚠️ ملاحظات مهمة :

مقاس المقلاة ٢٤ سم 🍳

وضروري تكون غير قابله للإلتصاق✨

إذا حجم المقلاة كبير 🍳 ضاعفوا كمية المقادير ✨

ندهن المقلاة بالزبدة

نضع قليل من السميد

ونزعه على جوانب المقلاة

في زبدية نخلط مكونات البسبوسة

نضع نصف الخليط في المقلاة

ثم الطبقة الثانية قشطة قيمر

ثم نغطي القشطة بالنصف المتبقي من البسبوسة

على نار هادية جداً 🕯

لفوا طبقتين او ثلاثه من القصدير

وحطوه فوق النار عشان يوزع الحرارة والتحمير يكون موحد 👌🏻

ونحط المقلاة على النار ونغطيها

كيف نعرف إنها استوت ؟

اذا شفتوا الجوانب حمرت والطبقه اللي فوق نشفت

يعني بعد ١٥ او ٢٠ دقيقه شيكوا اذا استوت او باقي ⏰✨

رشوا فوقها سميد عشان ما تلصق بالصحن لما نقلبها للجهة الثانية

ونمسح المقلاة من السميد الزايد

وندهنها بشوية زبدة

ونرجع البسبوسة تتحمر من الجهة الثانية

تاخذ معاكم تقريباً من ٥ إلى ١٠ دقايق ⏰🔥

نجهز شيرة الحليب المكثف

ونسقي البسبوسة بالشيره العادية

او شيرة الحليب المكثف

ونخليها البسبوسة تبرد

ونقطعها ونزينها حسب الرغبه

صحة وعافية♥️