الذ جريش ابيض بالكشنه

الذ جريش ابيض بالكشنه

طريقة عمل الذ جريش ابيض بالكشنه بالصور من وصفات مطبخ اسيرة الامال

how to make saudi jareesh recipes in arabic

وصفة اكلة الجريش ابيض بالكشنة سهل وسريع ولذيذ

انا سويت الله يسلمكم جريش انا مشهوره به ولله الحمد وحبيت افيد خواتي وصورته
اتمنى تدعون لي خلاص يالغوالي

نبداء بسم الله وقوالوا مشاء الله تبارك الله..

مكونات ومقادير وطريقة عمل وتحضير الذ جريش ابيض بالكشنه:

المقادير

3 بوادي شوربه جريش تركي (المقياس عندي) وشوفوا مقياس الباديه تحت..
وبادية شوربه ونص رز مصري وممكن الاستغناء عنه…واذا استغنيتي عوضيه بجريش.. اوكيييه
وبصلتين مقطعه
سمنه فارم
ملح وكمون مهم وخصوصا كمون المدينه احسن من الكمون السوداني يجي على بني وللاسف هذا الي كان متوفر عندي ..
مطيب الطعام ابو كيسه حمرا الي بالصوره

هالمطيب الله يسلمكم مثل الماجي بس يعطي نكهه مره خيال الكل يسال من وين جايه..

طبعا تحطيه بكل الاكل والكبسات..

ومقادير الكشنه

ليمون اسود كمون شوية ملح بهارات مشكله تمر هندي ودبس الرمان..

نبدا بعمل الجريش

تحمسي البصل من غير ما يتغير لونه مع شوية زيت وسمنه

واول ما يذبل البصل تحطي المويه والجرش والرز بعد ماتغسليه..

وحطيت كمون لا تقولون راح يغير اللون بعد مانحط اللبن يرجع لونه

بس اذا حطينه كمون المدينه الي يجي على زيتي افضل مايلون كثير

انا حطيت 3ملاعق كمون (تراه مهم للجريش)

ورقة غار وحده وثلاث الى اربع ملاعق مطيب الطعام..وملح حسب الرغبه

انا حطيت اربع ملاعق تقريبا

ونحط مويه ارتفاعها تقريبا 4سم من الجريش..

ونتركه… لين يتشرب المويه

تقريبا بعد ساعه ساعه ونص حسب الجريش

ويصير الجريش كذا

ونحط عليه علبة لبن كامله مثل الي فوق الصور

والافضل نحط نصها وكل ما احتجنا نحط شوي

عشان مايصير الجريش سايل بس انا احتجتها كلها بس على دفعات

وبعد ماحطينا اللبن والفلفل الحار

نتركه لين ينهرس.. ويصير مزبوط…

انا خليته ساعه ونص وكل ربع ساعه احركه خمس دقايق عشان ينهرس

نبدا اللحين بالكشنه

وهي الاهم اذا طلعت مزبوطه يووه تحلي الجريش

وتخليييه انما ايه…تاكلي اصابعك ورااااه

نحمس البصل انا احتجت 6 بصلات وسط تقريبا..مقطعه صغير وتحمس
مع ملعقتين سمنه فارم وشوية زيت

واذا ذاب نحط

تمر هندي نذوبه بمويه لين يلين ونضغط عليه بشوكه ونطلع البذور

ونحط مقدار ملعقتين دبس الرمان مليانه..

وهذي صورة التمر الهندي المذوب

(وهي المقدار الي في فيها حطيت الجريش)

ونحطها التمر الهندي على البصل مع ملعقتين الا ثلاث كبار ليمون اسود مطحون

(الليمون الاسود نكسره ونشيل بذر الليمون الاسود لانه يعطي مراره ونطحنه من غير البذر )

مع نص ملعقة كمون وبهارات مشكله ملعقه صغير وملعقه صغيره زنجبيل مطحون..

وبكذا يكون كذا شكل الكشنة

وبعدين خلص الجريش واستوى وطلع تمام ولله الحمد

نحطه بصحن التقديم ونحط فوق الجريش على الوجه الكشنة

وهذا الشكل النهائي للجريش

صورة طريقة عمل وصفة جريش ابيض لذيذ jareesh recipe

و صحة و هنا ❤️

وصفات أكلات شعبية

وصفات أكلات شعبية

وصفات الأكلات الشعبية القديمة والتراثية والتقليدية من المطبخ الخليجي والعربي حسب موروث المطبخ الشعبي لكل دولة ومنطقة
ArabicEnglishFrenchGermanIndonesianItalianPersianPortugueseRussianSpanishTurkishUrdu