عجينة الخنفروش البحريني

طريقة عمل عجينة الخنفروش البحريني بالصور من مطبخ دانة البحرين

وصفة الذ عجينة خنفروش مضبوط و سهل وسريع

مكونات ومقادير خليط عجينة الخنفروش البحريني :

3 بيضات
1 ونص كاس طحين بالخميره
3 فنجان سكر
نص كاس حليب بودره
2 ملعقه كبيره طحين رز
هيل وزعفران

طريقة اعداد وتحضير وعمل عجينة الخنفروش البحريني :

بالخلاط الكهربائي نخلط السكر مع البيض بس علشان يذوب السكر

شفتوا كيف صار

ثم ناخذ استكانه ماء ورد وينقع فيه الزعفران

ونضع الزعفران على الخليط السابق

ثم نضع جميع المكونات ويخلط بالملعقه

واذا صار غليظ يوضع ماء ورد قليل لا تكثرين

شفتوا كيف صار سمكه

ثم يترك يرتاح لمدة ربع ساعه

شفتوا كيف شكله ولا عاد الريحه امممم لاني عجنتها بالماء ورد فقط

وهذا هو الخليط

ثم يسكب الخنفروش بالمقلاة بس اهم شي انك لا تكثرين زيت شفتوا انا حاطه شوي زيت

واهم شي اتخلين النار متوسطه علشان ما يحترق من برا ومن داخل ما يكون مستوي

الخنفروش يبغاله شوي صبر وتحمل

ثم يقلب الخنفروش على الوجه الثاني

وبالهناء والعافية على قلوبكم

وبالعافيه 💙