حنيني عبير العميرة

طريقة عمل حنيني بالصور من مطبخ عبير العميرة
hanini saudi arabia dessert recipe

وصفة اكلة حنيني أكلة شعبيه شتويه سهل و لذيذ

الطريقة السهله للحنيني القصيمي وأكيد كلن له طريقته في الحنيني

تعددت الطّرق و بالأخير هو عباره عن خبز و تمر ..

طبعاً الأكلات الشعبيه مرجعي الأساسي فيها ( ماما ) الله يجزاها عني الجنه يارب ، اللهم آمين ..

مكونات و مقادير واعداد وعمل الحنيني السهل بطريقة عبير العميرة :

نخلط كوبين دقيق ( أسمر ) مع ربع ملعقه صغيره ملح

و ملعقة طعام سكر وملعقة كبيره حليب نيدو ( بودره ) و ملعقه صغيره خميره ..

ونعجن المكونات بالماء لين تصير عندنا عجينة متماسكة

نخليها تتخمر من نص ساعه إلى ساعة .

بعدين ناخذ العجينه كامله

ونجيب صينيه وسط ونفردها فيها

ونخبزها بالفرن لين تستوي وتتحمّر من تحت وفوق 🔥

بعدين تقطعون الخبز قطع كبيره عشوائية

و تفرمونها بمحضرة الطعام على دفعات

مع تمر معجون أو أي تمر أهم شيء ( بدون النّوى ) وزبدة مذوّبة

بعدين نجمعهم في قدر ونسخنهم على النار مع التقليب عشر دقايق

مع إضافة فلفل أسود مطحون (حسب الرغبه)

ويصبح الحنيني جاهز

صحّتين وعافيه على قليباتكم يا رب

وبالعافيه