حمص الشام زي محلات الشارع
وصفة طريقة طبخ وعمل اكلة حمص الشام زي محلات الشارع من وصفات مطبخ نُورهان
الحلبسه او حمص الشام المصري طعمه كان مضبوط جدا و زي بتاع الشارع بالضبط
مكونات ومقادير وتحضير اكلة حمص الشام :
اولا هنجيب حمص شام نظيف عشان بيفرق
هننقعه في مياه عاديه طول الليل 🕖
بنغير عليه المياه كذا مره عشان نتأكد ان كل حاجه ضاره طلعت منه عشان هو بيتعب القاولون شويه فا النقع مهم
نحطه في القدر ونحط عليه ماء ونسلقه على النار
مش هياخد وقت في السلق خالص عشان نوعه نضيف و نقعناه فتره طويله
في الخلاط حاحط
انا عملت نص كيلو حمص عشان كذا احط في الخلاط 3 طماطم صغيرين و بصله كبيره 4 فصوص توم
مضطرتش احط صلصه عشان كان غني بالطماطم اللي حطتها 🍎
واصب الخليط على الحمص
واقلب
والان احط بابريكا وكمون و اضبط الملح علي حسب الرغبه وشطه علي حسب الرغبه
كمان مرقه ماجي بتقوي الطعم جدا حطيت نص واحده تدي طعم و ممكن الاستغناء عنها ❤️❤️❤️
واسيبه يتسلق
ونعرف ازاي انه اتسلق لما تمسكي حبايه حمص الشام تضغطي عليها تلاقيها بتتهرس نص هرسه مش تدوبيه اووي
اخد مني ساعه سليق بالضبط فيه ناس بتاخد منهم 3 ساعات علي النار 🔥🔥
اللمون يتعصر في الاخر علي كباية حمص الشام عشان ميممررش
وبالصحة والهنا
و بالهنا و الشفا
