عجينة فطاير عبير العميرة

طريقة عمل عجينة فطاير بالصور من مطبخ عبير العميرة

how to make dough arabic recipe

وصفة عجينة للمعجنات مكتوبة و مضبوطه و مجربة و سهله و هشه و طريه

العجينه المعتمده عندي هي ( عجينة أمي ) تضبط معي وكل من ذاقها ينجن عليها 👌🏻

استخدمها للمعجنات بكل اشكالها 😍

المقادير ( استخدمو الأكواب المعياريه واللي ماعندها تستخدم كاس الجبن الحجم الوسط 😁)

مكونات ومقادير وطريقة عمل عجينة الفطاير :

٥ أكواب طحين كويتي
ملعقتين كبيره ممسوحه خميره
ملعقة كبيره بيكنج بودر
٦ ملاعق كبيره حليب بودره
ربع كوب سكر
نص كوب زيت نباتي
ملعقه صغيره ملح

تعجن بكوبين ونصف ماء دآفي

شوي شوي زيدي الماء واعجني

لين تصير عندك عجينه متماسكه وطريّه

واتركيها بمكان دافي

وإذا مرّت نص ساعه تقريباً اعجنيها مره ثانيه

وخليها تقريباً زياده ساعه أو حتى يتضاعف حجمها
.
– تنبيه :/

اللي تبي العجينه تضبط تخلي الماء دافي مو بارد ولا حار

+ خلط المكونات مضبوط وكل ما زادت مدة العجن وخليتوها تتخمر على راحتها كل ماطلعت لكم عجينه هشّه وممتازه 👍🏻.

– ملاحظه :-

العوائل الصغيره اقسمو المقادير للنصف وبس

وبالهناء والعافية على قلوبكم

وبالعافيه 💙