الحلبسة المصرية
وصفة طريقة طبخ وعمل اكلة الحلبسة المصرية من وصفات مطبخ ليديا كامل
مافيش احلى من كوباية حمص الشام (الحلبسة) فى الشتاء .. والحلبسة هي نفسها البليلة السعودي لكن باختلاف بعض المكونات وطريقة التقديم
مكونات ومقادير الحلبسة المصرية :
٢ كوب حمص الشام (منقوع لمدة يوم و متصفى كويس)
١ بصلة كبيرة
٤ فصوص ثوم (صحيح او مفروم)
عصير ٢ طماطم متوسطة او صوص الطماطم الجاهز
ملح حسب الرغبة
عصير ٢ ليمونة
١ معلقة صغيرة كمون
٢ معلقة صغيرة شطة ( لازم يبقى مشطشط 😋)
*الطريقة لعمل الحلبسة المصرية :
في ماء مغلي نضع الحمص المنقوع لمدة يوم قبل
نضع البصل
والثوم المفروم
ثم نضع عصير ٢ طماطم متوسطة او صوص الطماطم الجاهز
نقلب المكونات ونترك الحمص على النار حتى الاستواء تقريبا ساعة وربع
بعد الاستواء
نضع الملح
و٢ معلقة صغيرة الشطة البودره
و١ معلقة صغيرة كمون
وعصير الليمون
ونقلب بشكل كويس ونخليه على النار حوالي عشر دقائق
وممكن زيادة الليمون او الشطة حسب الرغبة
وتقدم الحلبسة المصرية بصحّة وهنا
وصحتين وعافية
