مسقعة الباذنجان المصرية
طريقة عمل مسقعة الباذنجان المصرية على اصولها بالصور خطوة بخطوة من وصفات طبخات مطبخ بحب بلدي
وصفة طبخ اكلة المسقعة لذيذة ومختلفه وسهلة وسريعة من المطبخ المصري
طريقتي للمسقعه مختلفه ولها طعم جميل متسبكه ومتحبشه
وبجد طعمها لذيذ وتفتح النفس وأي حد ياكلها عندي لازم ياخد طريقتها
عندي نوعين او طريقتين للمسقعه وهما الاثنين. روعه بطريقة مميزة والطعم ياسلام والكل هايسألك عنها
وصفة مسقعه بالطريقة العاديه و وصفة مسقعه رول
how to make egyptian moussaka eggplant recipe ( eggplant mesa’a’ah )
مكونات ومقادير عمل المسقعة المصرية :
باذنجان
طماطم
ثوم
حمص مسلوق
ملح وشطه وبهارات
طريقة اعداد وتحضير وعمل المسقعة المصرية:
للمسقعه العاديه نقطع الباذنجان دوائر
وللمسقعه الرول نقطعه شرايح طوليه
وننقعهم في مايه وملح عشان مش يشرب زيت كتير
ثم يقلي ف الزيت
ونجهز الصوص المميز برائحته وطعمه
نفرم الثوم ونشوحه في شوية زيت
ثم نضيف الطماطم المعصورة
وكمان بقطع حبتين طماطم مكعبات واضيفها
ولما بتستوي بيكون الصوص سميك وقطع الطماطم باينه وطعمها واخد من كل النكهات
ثم نضيف الملح والكمون والشطه المجروشه والفلفل الاسود
ونسيبها ع النار لغاية ماتتسبك والصوص يتقل ويكون سميك
وللمسقعه الرول بضيف لها حمص مسلوق بيدي طعم خطير
وعلي فكرة انا الاول كنت بحط التوم مع الطماطم والبهارات واسبكهم ع النار وكانت حلوة
ولكن قلت خليني اجرب أني اشوح الثوم في الزيت الاول
لقيت النتيجه مبهرة لان ريحه الثوم بتظهر ونكهته اوضح
الصراحه طلعت اجمل واجمل
بالنسبه للمسقعه العاديه
نرص في صينيه طبقه من الباذنجان المقلي
ثم طبقه من الصوص
ثم باذنجان
وبقطع طماطم واضيفها
وع الوجه الصوص
وتزين بشرائح من الفلفل العادي او الحار حسب الرغبه
وندخلها الفرن
للمسقعة الرول
نقطع شرايح بطاطس رفيعه ولو كانت سميكه حطيها مع الصوص تستوي شويه
انا قطعتها سميكه شويه وحطيتها مع الصوص
نرص ف الصينية طبقة بطاطس وفوقها شوية صوص
ونضع جزء من الحشو ع الباذنجان المقطع بالطول ويلف رول
ثم يرص فوق البطاطس
والطبقه الاخيرة الصوص
والصور توضح
وندخلها الفرن
الشكل النهائي للمسقعة
ودي النتيجه النهائيه
وهنا قدمتها المسقعة مع الخبز ومخلل الليمون
ودي المسقعه الرول
وهنا من الاعماق
اقرب واقرب
واااو الصراحه المجموعه الميكس طعمها رهيب
يعني تخيلي كده وانتي بتاكلي بطاطس مع الحمص والباذنجان والصوص
والله الطعم متناسق ومتناغم مع بعضه
أتمني تجربوها لانها بجد تستحق التجربه ومتأكدة انها ان شاء الله هاتعجبكوا
ولاتنسوني من دعواتكم الصالحه
في أمان الله
أختكم ريم
صحة وعافية❤️♥️
