البسبوسة بالحليب المحموس

طريقة البسبوسة بالحليب المحموس بالصور من مطبخ عبير العميرة

how to make basbousa roasted milk recipe in arabic

وصفة بسبوسة أليمة بحليب النيدو المحموس 🤤👌🏻

المكونات والمقادير لعمل البسبوسة بالحليب المحموس :

كوب حليب بودرة نحمسه حمس خفيف يصير لونه بنّي حلو مو محروق
كوب سميد
ثلاث أرباع كوب سكر
نص م ص ملح
م ك بيكنج بودر
نص كوب زيت
علبتين قشطه حجم العلبة الوحدة 170 جرام
م ص فانيلا سائلة

مكونات التسقيه :

علبة حليب بوني
فنجالين سكر

للتزيين :

جوز هند محمص

طريقة عمل وتحضير البسبوسة بالحليب المحموس :

اخلط الحليب المحموس مع السميد والسكر والملح والبيكنج بودر

واخلطهم زين باليد

بعدين اضيف الزيت ونفركهم زين مع بعض

لين تتبلّغ حبات السميد كلها بالزيت

ثم نضيف القشطه والفانيلا سائلة ..

ونعجن المكونات مع بعض لين تمتزج كلها

واذا خلصنا نغطيها شوي نص ساعه

نجهز صينية مقاسها : 9*9 انش

ونصب خليط البسبوسه فيها

ثم ندخلها لفرن مسبق التسخين

مشغل من تحت على درجة 180 ْلين تستوي

ونحمرها خفيف من فوق

وأول ماتطلع البسبوسه من الفرن ..

أصب عليها خلطة التسقيه :

حليب بوني وفنجالين سكر أحركهم ع النار لين يغلي الخليط

وهو دافي أضيفه ع البسبوسة

ثم أرش ع الوجه جوز هند محمص

ثم نترك البسبوسه تبرد على راحتها بجو المطبخ

أو تدخلينها الثلاجة وكل ماطولت بالثلاجة تطلع ألذ وأطعم 😋👌🏻 .

وتقطع وتقدم

و عليكم بألف عافية 💓

صحه و العافية🌹