طريقة عمل سمك السلمون بالقلايه الهوائيه

طريقة عمل سمك السلمون بالقلايه الهوائيه

طريقة عمل سمك السلمون بالقلايه الهوائيه بالصور من مطبخ عبير العميرة

وصفة سمك السلمون لذيذ وسهل وسريع

من يحب السمك السالمون 😻؟ انا أتلذذ بطعمه وبأكتب لكم وصفتي بالتفصيل جرّبوها بيعجبكم الطّعم متأكده 😋👌🏻 ..

وبالعاده أسويّه ع التاوه بس هالمرّه جربت القلاية الهوائية روعه شويت فيه الفيليه بالشبك اللي جاي معها

و مدة طبخ السلمون في القلاية الهوائية لمدة 15 دقيقه و هو جاهز 👌🏻

how to cooking salmon fish in air fryer recipe in arabic

مكونات و مقادير وطريقة عمل وتحضير سمك السلمون بالقلايه الهوائيه :

صور وصفة سمك السلمون مشوي بالقلايه الهوائيه salmon fish in air fryer

تتبيلة السلمون عباره عن :

نص م ص قشر ليمون أخضر ، ثوم مهروس ، شوي زيت زيتون ، فلفل أحمر مجروش ، بهار الليمون ، أوراق زعتر طازج ..

وبعد ما نفرك التتبيله بقطع السالمون من كل الجهات

نتركه شوي نص ساعه كذا

ملاحظه /

انتبهو انكم تحطون ليمون مع التتبيله !

أضيفوه عليه بعد ما يستوي السالمون . .

ثم بالقلاية الهوائيه

نصفّه ع الشبك ونرتب أوراق الزعتر فوقه

صور وصفة سمك السلمون مشوي بالقلايه الهوائيه salmon fish in air fryer

بعدين خلاص نقفل الشبك

صور وصفة سمك السلمون مشوي بالقلايه الهوائيه salmon fish in air fryer

ونشغل القلاية

والوقت محدد للسمك 15 دقيقه وأشوف إنه كافي 👌🏻


اذا تحبين تطبخين سمك السلمون بالتاوة :

أتركها ع النار لين تصير حاره

بعدين أضيف شوي زيت زيتون

وأحط قطع السالمون على جهة الجلد عشان نبيها تتحمر وتصير مقرمشه

ثمن أضفت ملح وفلفل أسود على السالمون نفسه

وع التاوه نفسها ع الزيت اضيف بهارات ايطاليه + أوراق الزعتر أو الريحان تعطي نكهة حلوة .

ثم راقبي السالمون يمكن ياخذ دقيقتين الى ثلاث على كل جهه

أنا أحب أقلبه على كل الجهات الاربع

عشان يعطيني لون مميز ويصير من برا متماسك ومن جوا طري .

مايطول ع النار يمكن ١٠ دقايق

وبعدين نطفي النار ونخليه ٧دقايق زياده في التاوه قبل مانشيله .

ثم نجيب قدر صغير ونحطه ع النار فيه ربع زبده مع عصير ليمونه

وإذا تحبّون فص ثوم صغنون مهروس ناعم جداً

( هذي الطريقه ماتتخيلون كيف تعطي لذاذه غير شكل 🤤) .

وعند التقديم

نصبها على سمك السلمون قبل مانشيلهمن القلايه او التاوه

بعدين نقدم السلمون مع بطاطس مهروس وجرجير وليمون .. .

وبألف عافيه على قلوبكم ❤️

صور وصفة سمك السلمون مشوي بالقلايه الهوائيه salmon fish in air fryer

صور وصفة سمك السلمون مشوي بالقلايه الهوائيه salmon fish in air fryer

صحة وعافية ♥️

عبير العميرة

عبير العميرة

وصفات و طبخات و أكلات الشيف السعودية المتميزة عبير العميرة .. الوصفات خاصة فقط بأشهي الأكلات الشعبية والمعجنات الشعبية والحلويات الشعبية خصوصا الأكلات والنجدية والقصيمية والحائلية المشهورة والسريعة واللذيذة
ArabicEnglishFrenchGermanIndonesianItalianPersianPortugueseRussianSpanishTurkishUrdu