ميني مصابيب لذيذه

طريقة عمل ميني مصابيب لذيذه بالصور من مطبخ عبير العميرة

وصفة أكلة ميني المصابيب اكلة شعبية من المطبخ القصيمي السعودي الشعبي

اكسترا ميني مراصيع .. وناس تقول مصابيب .. تعوّدنا نسمّيها مراصيع وأحب اسمّيها بالإسم اللي تعوّدت عليه ..

المهم الوصفه مضبوطه وناجحه وبدون بيض وتنفع حتى للمبتدئات بالطبخ وراح تنجح معهم 👌🏻

saudi arabian masabib recipe

مكونات ومقادير عجينة المصابيب :

كوبين طحين أسمر .
م ص خميره .
ملعقتين ك حليب بودره .
ملعقة ك سكر أوأ كثر شوي حسب الرغبه .
نص م ص ملح .
كوبين ماء

طريقة عمل وتحضير ميني مصابيب لذيذه :

نضع بالخلاط كل مكونات العجينة

بينما الماء ممكن تزيد أو تنقص على حسب نوع الطحين

و تخلط كلها مع بعض

لين يصير عندك عجينه سآيله ثقيله شوي

بعدين تخلينها ترتاح وتتخمر وتجلسين تقريباً ١٠دقايق أو أقل

بعدها نصب العجينة في آلة صب وتوزيع المصابيب او في علبة ضغط الكاتشب

ونجهز الصاج الحامي

ونصب المصابيب بالحجم اللي تحبونه

وتخبز على الصاج

واول ما الوجه ينشف وتطلع الفقاعات

نقلبها على الوجه الثاني

وبعد ما تخلص نحطها بحافظة

ونكمل باقي العجينة بنفس الطريقة لين تخلص

و آخر شيء بعد ما تخلصين منها

تصبين على المصابيب الحافظة زبده وعسل

الزبدة والعسل تذوبينهم ع النار مع بعض

واذا بدت تغلي تصبّينها ع المصابيب

وتقدّمين المصابيب دآفيه ولا ألذ منها 😋👌🏻

سؤال وجواب عن المصابيب

كيف اعمل مصابيب قليله لشخص او شخصين او كمية كبيرة

اذا حابّه تضاعفين المقدار .. كل المقادير تتضاعف للدّبل إلا الخميرة ملعقه صغيره .. واذا لشخص او شخصين بدل الكوب استخدمي بياله معيار يعني بدل الكوب بياله وبدل الملعقة الكبيرة ملعقة صغيرة

كيف اخلي المصابيب صفراء

اللي تحب لونها يصير أصفر تضيف كركم .

كيف استخدم النكهات

وإذا تحبّين نكهات مثل القرفه والهيل أضيفيهم مع الزبده والعسل وبس والله 😘

و عسآها بألف عآفيه على قلوبكم حبايبي

صحة وعافية ♥️