ملاح اللوبيا الويكاب السوداني

طريقة عمل ملاح اللوبيا الويكاب السوداني بالصور من مطبخ حنين المهيرة

وصفة ملاح اللوبيا الويكاب اكلة سودانية مشهورة شعبية قديمة من ملاحات المطبخ السوداني التقليدي و المطبخ السوداني الحديث والمعاصر

بالنسبة للويكاب

الويكاب موجود في سوق امدرمان محل النسوان الببيعوا الكسرة وعند بتاعين البهارات بتلقي اللوبا مدروش جاهز ونظيف
وممكن يكون مطحون جاهز

mullah sudanese food recipes

مكونات ومقادير وطريقة تحضير وعمل ملاح اللوبيا الويكاب السوداني :

مقدار كوبين لوبيا مدروشة ونظيفة ومغسلة جيدا

ويفضل وضع مصفي عند غسيلها

نضعها في الحلة ومعها بصلتين

وممكن ان نشوح البصلتين اول

ثم نضيف الماء واللوبا

و حبة طماطم وحبة ماجي حسب الرغبة

ونتركه ليغلي قليلا

ثم نضيف الويكاب

(نذوب الويكاب قبل في قليل من الماء)

ونخفض النار

الويكاب بعمل عمل الكربونات يعني بهرس اللوبا تماما

وبعد يغلي وتشعري انو استوي

اضيفي كوب صغير زيت افضل السمسم وكوب حليب اولبن حليب

وفول سوداني دكوة مقدار معلقتين طبعا ذوبيهم في قليل من الماء

اضيفي البهارات التي ترغبين والملح

ثم افركي بالمفراك

بعدها اضيفي الويكة المطحونة بالمقدار المناسب وماتكتري الويكة لان الملاح اصلا تقيل

ويصبح ملاح اللوبيا الويكاب جاهز

بعد كده يؤكل ملاح اللوبيا الويكاب مع عصيدة او كسرة

وممكن تضيفي السمن علي الوجه

صحة وعافية♥️