مصابيب بالكشنه

طريقة عمل مصابيب بالكشنه بالصور من مطبخ ام بيان المبارك

وصفة مصابيب بالكشنه خلطه فوق المصابيب لذيذة و سهلة وسريعة

اكلة تدفيكم بهالبرد والاكلة شعبية بس بشكل مودرن يعني مصابيب بعجينة البان كيك يارب تعجبكم

عجينة البانكيك مرة خطيرة هالعجينة ودائما اعتمدها بس غيرت في بعض المقادير نقصت السكر وما حطيت فانيلا..

مكونات ومقادير عمل المصابيب بالكشنه :

مكونات عجينة المصابيب :

كوب طحين
كوب حليب سايل
ملعقة كبيرة سكر
ملعقتين كبار زيت او زبده
بيضه
رشة ملح
ملعقه كبيره بيكنج بودر

مكونات الكشنة :

بصل مقطع صغار بكمية كثيرة
زبدة او زيت
بهارات ( الكركم والكاري والفلفل الاسود او الاحمر والملح )
صلصة
فلفل اخضر حار او بارد مفروم حسب الرغبة

طريقة اعداد وتحضير وعمل مصابيب بالكشنه :

اخلطي المقادير العجينة كلها بالخلاط اللي عندك

وبعدها صبيه على الطحين المنخول

اخلطي واتركيه نص ساعه تخمر شوي

بعدها

على الصاج او مقلآيه

امسحي بشوي زيت

وصبي من الخلطه

اذا عندك ملعقه مغرفة الشوربه او بعلبة الضغاط

صبي على الصاج من غير ما تلمسي العجين بالمره

وخلي النار واطيه

اتركيه لين ينشف وتطلع الفقاعات على وجه المصابيب

واقلبيها على الوجه الثاني واتركيها تتحمر

وطلعيها وحطيها بحافظة

وكملي لين تنتهي كل كمية العجينة

اما لعمل الكشنة :

يحمس البصل مع زبدة او زيت غزير شوي لحد مايشقر

وبعدها نضيف البهارات

الكاري والفلفل الاسود او الاحمر اذا تحبون

وهالخطوة من البهارات ضرورية تكون مع حمس البصل حتى تكون نكهة البهارات مركزة وقوية

بعد كذا نضيف الصلصة والكركم والفلفل الاخضر الحار او البارد المفروم على حسب الرغبة

ثم نضع الملح ونتركهم ع نار خفيفة 2 -3 دقايق

المطلوب انه البصل والفلفل الاخضر ماينضجون مرة

لانه بيكون طعمه لذيذ وشكله متماسك غير مهروس ..

بس كذا وتكون الكشنه جاهزه

وترش الكشنه فوق المصابيب في الحافظه على هيئة طبقات

اللي ما تحب المصابيب بالكشنه ممكن تستغني عن الكشنه

وصبي عليها زبده ذايبه ورشي عليها شيره او قطر البان كيك

او ممكن تسوين نصف المصابيب بالكشنه والنصف الثاني بالزبده والشيره

وبالعافية

صحة وعافية♥️