مشخول لحم قطري
طريقة عمل مشخول لحم قطري بالصور من مطبخ الشيف القطرية نور المزروعي 🇶🇦👩🏻🍳
وصفة مشخول لحم اكلة شعبية مشهورة في المطبخ القطري الشعبي القديم
how to cook qatari rice mashkhool recipe
المكونات والطريقة لعمل وتحضير مشخول اللحم القطري :
احمر البصل بالزيت
لين يذبل
بعدها انزل عليه البزار القطري والكركم
واخلطهم واحمس تطلع نكهة البهارات
بعدها انزل الكزبرة والبقدونس المفرومين
واقلبهم
وبعدها الطماطم
ثم احط عليه الثوم والزنجبيل المبشور
واقلبهم ونخلي المكونات تذبل مع حمستنا
بعدها نحط الفلفل الاخضر
وبعدها احط اللحم
اللحم مسلوق مسبقا مع بهارات صحيحة
ونقلب اللحم مع الحمسه لين يندمجون مع بعض
بعدها احط البطاطس
قليته بالقلاية الهوائية مسبقا نصف قليه
بعدها انزل الرز
الرز مسلوق ثلاث ارباع سلقه مع بهارات صحيحة وملح وبعدها شخلته من الماء
واغطي القدر على نار هاديه 20 دقيقة تقريبا
يستوي زين وياخذ النكهه والطعم
وبعدها يصبح المشخول جاهز
وعند التقديم
نحط الرز الابيض اولا في الصحن
وفوقه نحط الطبقة السفلية من القدر
اللي فيها الحمسة واللحم والرز الاصفر
ويقدم مشخول اللحم بالعافية
صحة وعافية♥️
