العصيدة القطرية

طريقة عمل العصيدة القطرية بالصور من وصفات مطبخ Bake my day

how to make aseeda qatar traditional food recipes in arabic

وصفة عصيدة سهلة سريعة ولذيذة جداً من المطبخ القطري

المكونات والمقادير لعمل العصيدة القطرية :

المقادير ( ٨ اشخاص و اكثر):

٣ اكواب طحين رقم (٢)
٢و ربع كوب سكر
٦ الى سبع اكواب ماء دافي
ملعقة هيل مطحون
نص ملعقة زعفران ممتاز
نص ملعقة فلفل اسود مطحون
الزنجبيل المطحون و القرفه( اختياري) انا ما احطه
دهن قطري زين ( او بديله السمن اذا ما توفر)

طريقة عمل وتحضير العصيدة القطرية :

اول شي

الطحين اشفشفه ( احمسه) على النار

لحد ما يعطي لون بني فاتح بدون ما يحترق

اجيب الطحين و انخله عشان اتخلص من اي تكتلات

و بعدها اضيف عليه ٣ اكواب ماء

و اخلطه لحد ما يتكون عندي خليط متجانس

( تاكدي من تجانسه)

في جدر

اضيف السكر و اذوبه لحد ما يصير لونه عسلي

( مب فاتح عشان ما تكون العصيده فاتحه و لا غامق عشان ما يكون السكر مر )

وبعد ما يذوب السكر

اضيف عليه من ٣- ٤ اكواب ماء دافي

واضيف الهيل و الزعفران و الفلفل الاسود

وابدا اضيف خليط الطحين

اضيفه مع التحريك المستمر بدون توقف

عشان ما تتكتل العصيده عندي

بعدها ابدا اضيف الدهن ( السمن) ملعقه

و اخلط وانتظر ٥ دقايق

و اضيف ملعقه ثانيه و اخلط

و بعدها بعد انتظر و اضيف الملعقه الثالثه

نعمل البيض اللي على الوجه:

اخلط

بيض+ فلفل اسود + كركم+ شوي هيل لا تكثرون و ملح

واقليه بدهن او سمن

و اخلطه بطريقة البيض المقطع

و احط البيض على وجه العصيدة وقت التقديم

( لا تحطونه قبل بفتره ممكن يسوي زفوره)

وتقدم العصيدة القطرية بالعافيه💕

صحة وعافية♥️