البسبوسة المصرية الأصلية على اصولها

البسبوسة المصرية الأصلية على اصولها

طريقة عمل البسبوسة المصرية الأصلية على اصولها بالصور خطوة بخطوة من وصفات طبخات مطبخ بحب بلدي

وصفة بسبوسة بحب بلدي سهلة سريعة ولذيذة

نظراً لكثرة الطلب علي الطريقه الأصليه للبسبوسه المصريه علي أصولها جبتلكم الطريقه من مصدرها الرئيسي

اللي بتحب البسبوسة المصري الدمياطي تجرب طريقتي دي وتدعيلي نفس الطعم بالظبط

يلا بينا علي المقادير والأسرار لعمل البسبوسه الأصليه بالطريقة المصرية

egyptian dessert basbousa recipe

مكونات ومقادير البسبوسة المصرية الأصلية على اصولها :

3 كوب سميد أنا استخدمت الخشن
1/2 كوب زيت
1/2 كوب حليب سائل
معلقة صغيره بيكنج بودر
2 معلقة كبيرة عسل نحل
نص كوب سكر

مقادير الشيرة :

1/2 1 كوب سكر
3/4 1 كوب ماء
عصير نصف ليمونة
معلقة كبيره سمن بلدي لإعطاء نكهه للبسبوسه
علي النار تغلي لخمس دقائق فقط

طريقة اعداد وتحضير وعمل البسبوسة المصرية الأصلية على اصولها :

1-في وعاء نضيف السميد والزيت

صورة وصفة البسبوسة المصرية الأصلية على اصولها بحب بلدي basbousa egyptian desserts

ونفرك جيداً حتي تتغلف كل حبات السميد بالزيت

ودي نقطه مهمه جداً

صورة وصفة البسبوسة المصرية الأصلية على اصولها بحب بلدي basbousa egyptian desserts

2- نضيف السكر والبيكنج بودر

صورة وصفة البسبوسة المصرية الأصلية على اصولها بحب بلدي basbousa egyptian desserts

صورة وصفة البسبوسة المصرية الأصلية على اصولها بحب بلدي basbousa egyptian desserts

ونقلب جيدا

ثم نضيف الحليب والعسل

صورة وصفة البسبوسة المصرية الأصلية على اصولها بحب بلدي basbousa egyptian desserts

ونخلط

3- يجب أن يكون الخليط رملي كما هو واضح في الصور

صورة وصفة البسبوسة المصرية الأصلية على اصولها بحب بلدي basbousa egyptian desserts

4- ندهن الصينيه طحينة سائله

ونسكب الخليط ونضغط عليه كويس باليد

صورة وصفة البسبوسة المصرية الأصلية على اصولها بحب بلدي basbousa egyptian desserts

5- تقطع البسبوسه قبل دخولها الفرن

وتزين باللوز او الصنوبر

ويجب ان نتركها ترتاح المفروض ساعه أو أكتر

أنا خليتها نصف ساعه

صورة وصفة البسبوسة المصرية الأصلية على اصولها بحب بلدي basbousa egyptian desserts

6 – ندخل البسبوسه في فرن مسبق التشغيل من أسفل فقط حتي تأخذ لون ذهبي من تحت

ونشغل الشوايه حتي يحمر الوجه

7- نسقيها بالشيره فور خروجها من الفرن

مع مراعاة ان تكون الشيرة ساخنه والبسبوسه كمان ساخنه

ونتركها حتي تتشرب الشيره

صورة وصفة البسبوسة المصرية الأصلية على اصولها بحب بلدي basbousa egyptian desserts

من الأفضل وضع البسبوسه في الثلاجه قبل التقديم كي تتشرب الشيره وتتماسك

صورة وصفة البسبوسة المصرية الأصلية على اصولها بحب بلدي basbousa egyptian desserts

صورة وصفة البسبوسة المصرية الأصلية على اصولها بحب بلدي basbousa egyptian desserts

أنا جربت طرق كتير للبسبوسه

وعندي كمان طريقتي هي صح حلوه وعن نفسي بحبها لأنها خفيفه

ولكن دي البسبوسه المصريه الصح نفس طعم اللي بنشتريها بالضبط مستحيل تفرقي بينهم

وباكتب الملاحظات البسيطه والمهمه وهي اللي بتفرق في الطعم

لكل طبخه تكنيك معين يجب الإلتزام به عشان تدينا نتيجه صح

1- يجب فرك السميد مع الزيت حتي تتغلف كل حبات السميد بالزيت

2- يجب أن يكون الخليط رملي وليس سائل

3- يجب تركها ترتاح نصف ساعه أو ساعه قبل دخولها الفرن

4- يجب أن تكون البسبوسه ساخنه والشيره ساخنه

5- بإمكانك إضافة سمن بدل الزيت ولكن أنا بفضلها بالزيت أخف وألذ وعشان يبان فيها طعم السمن اكتفيت بإضافة معلقة للشيره

أنا كتبت نفس المقادير اللي عملتها بالضبط لأن جربت قبل كده وعدلت وغيرت من عندي لغاية ما توصلت للنتيجه دي

وكمان الشيره بتختلف مقاديرها علي حسب الحلو

ودي أفضل مقادير للشيره الخاصه بالبسبوسه

والكمية مناسبه جداً لمعيار البسبوسه

يعني التزمي بكل المقادير لأنها مضبوطه بإذن الله

جربتها قبل كده بمقدار أقل ف الشيره وطلعت ناشفه شويه

ورجعت زودت طلعت زياده والبسبوسه مش شربتها كلها

دي معيار ميزان بمعني حطي كل مقدار الشيره

معلهش طولت عليكم ولكن حبيت أوضح لكم كل حاجه بالتفصيل مع الأسرار البسيطه

وحبيت أوضح كمان تجاربي السابقه لأني اتأخرت علي اللي طلبوها مني

ولكن حبيت اكتب المقادير الصح والمظبوطه بعد تجارب كتير

صورة وصفة البسبوسة المصرية الأصلية على اصولها بحب بلدي basbousa egyptian desserts

صورة وصفة البسبوسة المصرية الأصلية على اصولها بحب بلدي basbousa egyptian desserts

وبالعافيه🌷

وصفات وطبخات بحب بلدي

وصفات واكلات وطبخات الشيف المصرية المتميزة ريم الشهيرة بأسم بحب بلدي في منتديات عالم حواء وغيرها من المنتديات .. الشيف بحب بلدي تقدم الاكلات والطبخات المصرية الشعبية والمشهورة في المطبخ المصري