طبيخ الرجلة السودانية

طبيخ الرجلة السودانية

طريقة عمل طبيخ الرجلة السودانية بالصور من مطبخ مرام عبيد

وصفة طبيخ رجلة بالعدس بالطريقة السودانية لذيذة و سهلة

ايدام الرجله او البقلة مع العدس 🍃🌱☘ من أنواع الطبيخ اللي بحبها جداً والذ وصفات الاكلات السودانية الشعبية

how to cook purslane sudanese food recipe

مكونات ومقادير عمل طبيخ الرجلة السودانية :

٣ بصلات مقطعة شرائح رقيقة
ربع كيلو او اقل لحمة عجالي بالعظم

ربطتين رجلة مقطعه ناعم
كوب شاي عدس منقوع
ربع ربطة شمار اخضر مقطع ناعم

طريقة اعداد وتحضير وعمل طبيخ الرجلة السودانية :

في حلة

نشوح البصل في ملعقتين زيت لمن يبدأ يذبل ويبقى شفاف

ونضيف اللحمة ونقلبها شوية

ونضيف كوب أو كوب ونص ماء

ونقفل الحلة ربع ساعة في نار وسط

وبعد ربع ساعه البصل بيكون داب واللحمة استوت تلاته أرباع سواء ..

ونضيف كوب موية و الرجلة وفوق الرجلة العدس المنقوع

🚦ملاحظه

مانحرك الطبقات دي ما دايرين العدس يتول قعر الحلة لانو بيمسك ويحرق الطبخة..

نقفل الحلة ربع ساعه

بعدين نضيف البهارات

ملح او مكعب ماجي ونص ملعقة صغيرة فلفل وملعقة صغيرة كزبرة ناشفة و٥ فصوص توم مبشورين وربع ربطة الشمار المقطعه و٤ ملاعق صلصة

ونحرك المواد

ونقفل الحلة على نار هادية من ربع ساعه ل ٢٠ دقيقة

وبكدة حتاكلو احلى رجلة !!

وصفة طبخ رجلة بالعدس بالطريقة السودانية sudanese food

وصفة طبخ رجلة بالعدس بالطريقة السودانية sudanese food

وصفة طبخ رجلة بالعدس بالطريقة السودانية sudanese food

صحة وهنا

وصفات أكلات شعبية

وصفات أكلات شعبية

وصفات الأكلات الشعبية القديمة والتراثية والتقليدية من المطبخ الخليجي والعربي حسب موروث المطبخ الشعبي لكل دولة ومنطقة
ArabicEnglishFrenchGermanIndonesianItalianPersianPortugueseRussianSpanishTurkishUrdu