خبز عروق عراقي
طريقة عمل خبز عروق عراقي الأصلي على اصوله بالصور خطوة بخطوة من وصفات طبخات مطبخ مريم ريحانة بغداد
وصفة طبخ اكلة خبز عروق باللحم والخضار لذيذ وسهل وسريع من المطبخ العراقي
كباب عروق (كباب عروگ – كباب عروك) هي اكلة عراقية ويسمى ايضا خبز العروق العراقي او خبز العباس … خبز عراقي محبوب يؤكل على مدار السنة
حعلمكم طريقة سهلة لاعداد مني خبز عروق خبز اللحم العراقي الشهير وبطريقة سهلة وبالخطوات المصورة
how to make bread iraqi vegetarian recipe homemade
مكونات ومقادير وطريقة اعداد وتحضير وعمل خبز عروق عراقي :
اول شي نحظر العجين
نصف كيلو دقيق اسمر+ملعقة ونصف خميرة +رشة سكر+ماء دافئ للعجن
نخلط الدقيق والخميرة والسكر
ونصب عليهم ماء دافئ
ونعجن حتى نحصل على عجينة قوية مو لينة
ونتركها تختمر بمكان دافئ الى ان يتضاعف حجمها مرتين
لتحضير الحشو
حزمتين كرفس وبصل اخضر هو والساق الاخضر
نفرمهم يدويا وليس بالماكنة
والسبب انو الماكنة حتطلع العصارة وتخرب العجين بعدين
ونضيف عليهم 3 ملاعق كركم وملعقة ونصف ملح او حسب الرغبة وملعقة شاي فلفل اسود وملعقة شاي كمون
ونخلطهم ونخليهم على جنب
ننقع لحم مفروم بيه لية يعني شوية دسم
ولاتخافون هاي الاكلة على ظمانتي تضعف ماتسمن رغم السعرات اللي بيها
نخلط الخضروات مع العجين بعد ما اختمر
ونصفي اللحم المفروم من الماء ونخبطه وياهم
وهذي عجينة الخبز جاهزة
هي حتطلع لزجة
وحتى ماتعذبكم بالشغل تخلين بصفج كاسة زيت تدهنين ايدج بيها وتسوين كور صغيرة
وتفتحين الكور بايدج حتى تحصلين على مني خبزة
وتحطيها بمقلاة يفضل مايلتصق بيها الطعام
طبعا مشغلة النار عالمقلاة او الطاوة وسط
ولاتخافين ابدا ابدا مايلتصق العجين بالطاوة وحتبقى نظيفة لاخر الشغل
تغطين الطاوة وتنتظرين دقيقة الى دقيقتين
وتقلبيها بكل سهولة حتى ينضج الوجه الاخر
شوفو هنا الفرق بين الوجه الناضج والوجه العادي
تقلبيها مرتين الى ان تحصلي على هالنتيجة
يعني مراح ياخذ القرص الواحد اكثر من 5 دقائق وينضج
طبعا العروق العادي الناس تسويه بالتنور
بس اغلبنا ماعدهم تنور وهاي الطريقة تبقي الخبزة طرية
الفرن شوية يقسيها ولاتخافون تنضج واللحم والخضروات ينضجون كلهم يعني اشبه بالطبخ عالصاج
شوفو الخبزة الحلوة الامورة شلون مستوية
دمتم بحفظ الله اختكم مرايم
صحة وعافية❤️♥️
