الكبدة الإسكندراني المصرية المشطشطة
طريقة عمل الكبدة الإسكندراني المصرية المشطشطة الأصلية على اصولها بالصور من وصفات طبخات مطبخ بحب بلدي
وصفة طبخ اكلة كبدة اسكندراني متبهرة ومتسبكه وطعمها يفتح النفس زي المحلات لذيذة ومختلفه وسهلة وسريعة من المطبخ المصري
how to make egyptian liver kebda eskandarani sandwich recipe homemade
مكونات ومقادير عمل الكبدة الإسكندراني المصرية المشطشطة :
كيلو كبدة
بصله كبيرة مقطعه مكعبات صغيرة
حبه فلفل اخضر مقطع مكعبات
واللي بيحب الحار يحط فلفل حار
3 حبه طماطم مقطعه
3 فص ثوم مفروم
ملعقه كبيرة دبس الرمان بيدي طعم ولون للصوص حلو جداً
مكعب ماجي
بهارات ( ملح + فلفل اسود + كمون + كسبرة ناشفه + رشه من البهارات السبعة )
طريقة اعداد وتحضير وعمل الكبدة الإسكندراني المصرية المشطشطة :
نبدأ بالكبدة
نقطع الكبدة شرايح ونغسلها ونحطها في مصفاه حتي تتخلص من كل الماء الزائد
ودي الخضروات
نيجي بقي للسر اللي يخلي الكبدة مستويه وفي نفس الوقت طريه ولذيذة
في إناء ع النار
نضع شوية زيت ولو حبيتي تضيفي للزيت قطعه صغيرة سمن بتكون احلي
واخليه لما يسخن الزيت
وأضيف له الكبدة
وأخلي النار عاليه عشان اعملها صدمه اخلي المسام اللي برة تتقفل وفي نفس الوقت محتفظه بالعصارة اللي في داخلها
هنا لما عملت لها صدمه واتغير لونها
وأول ما لونها يتغير
أضيف البصل واحرك عشان عايزة كل الخضروات اللي ها اضيفها تتحمص مع الكبدة
وبعد البصل أضيف الثوم ونحرك
ثم البهارات ونحرك
عايزة الكبدة تأخذ طعم البهارات
ثم الفلفل الاخضر ونقلب
ثم الطماطم ومعلقة دبس رمان
والصراحه أنا حطيت شطه مجروشه مش كتيير ولكن الكبدة لما تكون فيها نسبه حراق بتبقي الذ وأطعم
وخلي بالك اوعي تضيفي ولا نقطة مايه هي هاتنزل العصارة اللي فيها وهاتستوي مع بعض وها يبقي عندك صوص رائع جداً جداً
ونتركها تتسبك وتستوي مع بعض وكل حاجه تأخذ من بعضها ف الطعم
نيجي للكبدة اللي استوت وطعمها وريحتها خيال ومفيش لها ريحة زفارة ودبس الرمان خلي الصوص لذيذ ونقدمها
وقدمت معاه خبز عملته في البيت خبز بالدقيق البر
والصراحه طري وأحسن من المخابز وأنا بعمله واحتفظ بيه ف الفريزر لحين الاستخدام
وقدمت الكبدة مع الخبز
وهنا عملتها ساندويتش وقليت بطاطس
لذيذ يم يم
صحة وعافية❤️♥️
